ശാസ്തമംഗലം മഹാദേവക്ഷേത്രം

ഇംഗ്ലീഷ് വിലാസം

https://ml.wikipedia.org/wiki/Sasthamangalam_Mahadeva_Temple

ശാസ്തമംഗലം മഹാദേവക്ഷേത്രം
ശാസ്തമംഗലം മഹാദേവക്ഷേത്രം
ശാസ്തമംഗലം മഹാദേവക്ഷേത്രം class=notpageimage| ക്ഷേത്രത്തിന്റെ സ്ഥാനം
നിർദ്ദേശാങ്കങ്ങൾ:	8°28′58″N 76°56′37″E / 8.48278°N 76.94361°E / 8.48278; 76.94361
സ്ഥാനം
രാജ്യം:	ഇന്ത്യ
സംസ്ഥാനം/പ്രൊവിൻസ്:	കേരളം
ജില്ല:	തിരുവനന്തപുരം
പ്രദേശം:	തിരുവനന്തപുരം
വാസ്തുശൈലി, സംസ്കാരം
പ്രധാന പ്രതിഷ്ഠ:	പരമശിവൻ
പ്രധാന ഉത്സവങ്ങൾ:	തിരുവുത്സവം
ചരിത്രം
ക്ഷേത്രഭരണസമിതി:	തിരുവിതാംകൂർ ദേവസ്വം ബോർഡ്

ശാസ്തമംഗലം മഹാദേവക്ഷേത്രം: തിരുവനന്തപുരം ജില്ലയിലെ ശാസ്തമംഗലത്താണ് മഹാദേവക്ഷേത്രം സ്ഥിതിചെയ്യുന്നത്. പരശുരാമൻ സ്ഥാപിച്ചു എന്നു വിശ്വസിക്കപ്പെടുന്ന 108 ശിവക്ഷേത്രങ്ങളിൽ ഒന്നാണിത് ^[1]. വലിപ്പമേറിയ ഇവിടുത്തെ ബലിക്കല്ല് വളരെ പ്രസിദ്ധമാണ്.

വട്ട ശ്രീകോവിലോടു കൂടിയ നാലമ്പല സമുച്ചയമാണിവിടുത്തെ ശിവക്ഷേത്രം. പാർവ്വതീസമേതഭാവത്തിൽ കിഴക്കോട്ട് ദർശനമായാണ് ഇവിടെ ശിവപ്രതിഷ്ഠ. കൊടിമരം സ്വർണ്ണം പൂശീയതാണ്. വളരെ വലിപ്പമേറിയതാണ് ഇവിടുത്തെ ബലിക്കല്ല്. തിരുവിതാംകൂർ രാജാക്കന്മാർ ഇവിടെ ദർശനത്തിനു വരുമ്പോൾ പൂർണ്ണ അലങ്കാരത്തോടെ വന്നിരുന്നു.

മൂന്നു പൂജകൾ ഇവിടേ നിത്യേന പതിവുണ്ട്.

• ഉഷപൂജ
• ഉച്ചപൂജ
• അത്താഴപൂജ

• ഗണപതി
• അയ്യപ്പൻ
• മുരുകൻ
• ഭദ്രകാളി
• വീരഭദ്രൻ

ധനുമാസത്തിൽ പത്തു ദിവസം ഇവിടെ ആണ്ടുത്സവം ആഘോഷിക്കുന്നു. തിരുവാതിരനാളിലാണ് ആറാട്ട്.

കുംഭമാസത്തിലെ കറുത്ത ചതുർദ്ദശി നാളിൽ ശിവരാത്രി ആഘോഷിയ്ക്കുന്നു.

തിരുവനന്തപുരം റെയിൽവേ സ്റ്റേഷനിൽ നിന്നും 7-കിലോമീറ്റർ ദൂരത്ത്, തിരുവനന്തപുരം ശാസ്തമംഗലം റോഡിൽ പൈപ്പിൻമൂടിനടുത്താണ് ക്ഷേത്രം സ്ഥിതിചെയ്യുന്നത്.

1. ↑ കുഞ്ഞികുട്ടൻ ഇളയതിൻറെ “108 ശിവക്ഷേത്രങ്ങൾ“