പ്രേമലത അഗർവാൾ

പ്രേമലത അഗർവാൾ
രാഷ്ട്രപതി ശ്രീ രാം നാഥ് കോവിന്ദ് 2017 ലെ ടെൻസിംഗ് നോർഗെ ദേശീയ സാഹസിക അവാർഡ് ശ്രീമതി. പ്രേംലത അഗർവാളിനു സമ്മാനിക്കുന്നു
ജനനം	1963 ഝാർഖണ്ഡ്‌ , ഇന്ത്യ
ദേശീയത	ഇന്ത്യ
തൊഴിൽ	പർവ്വതാരോഹക
അറിയപ്പെടുന്നത്	സെവൻ സമ്മിറ്റുകൾ കീഴടക്കിയ ആദ്യത്തെ ഇന്ത്യൻ വനിത ,എവറസ്റ്റ് കീഴടക്കുന്ന ഏറ്റവും പ്രായം കൂടിയ ഇന്ത്യൻ വനിത
ജീവിതപങ്കാളി(കൾ)	വിമൽ അഗർവാൾ
കുട്ടികൾ	രണ്ട് പെൺമക്കൾ
മാതാപിതാക്ക(ൾ)	രാമവതർ ഗാർഗ് ,
പുരസ്കാരങ്ങൾ	പത്മശ്രീ,ടെൻസിങ് നോർഗേ ദേശീയ സാഹസിക അവാർഡ്

ലോകത്തിലെ ഏഴ് ഭൂഖണ്ഡങ്ങളിലെയും ഏറ്റവും ഉയരം കൂടിയ കൊടുമുടികളായ സെവൻ സമ്മിറ്റുകൾ കീഴടക്കിയ ആദ്യത്തെ ഇന്ത്യൻ വനിതയാണ് പ്രേമലത അഗർവാൾ (ജനനം: 1963)^[1] ,^[2] പർവതാരോഹണ മേഖലയിലെ ഈ നേട്ടങ്ങൾക്ക് 2013 ൽ ഇന്ത്യാ ഗവൺമെന്റ് അവർക്ക് പത്മശ്രീയും 2017 ൽ ടെൻസിങ് നോർഗേ ദേശീയ സാഹസിക അവാർഡും നൽകി ^[3],^[4]. 2011 മെയ് 20 ന്, 48 വയസ് പ്രായമുള്ളപ്പോൾ ലോകത്തിലെ ഏറ്റവും ഉയരം കൂടിയ കൊടുമുടിയായ എവറസ്റ്റ് കീഴടക്കുകയും ഇത് കീഴടക്കുന്ന ഏറ്റവും പ്രായം കൂടിയ ഇന്ത്യൻ വനിതയെന്ന നേട്ടത്തിന് അർഹയാകുകയും ചെയ്തു ^[5] ,^[6]. പിന്നീട് ജമ്മു കശ്മീർ സ്വദേശിയായ സംഗീത സിന്ധി ബഹൽ 2018 ൽ 53 ആം വയസ്സിൽ എവറസ്റ്റ് കീഴടക്കി ഈ റെക്കോർഡ് മറികടന്നു^[7] .ഝാർഖണ്ഡ്‌ സംസ്ഥാനത്ത് നിന്ന് എവറസ്റ്റ് കീഴടക്കിയ ആദ്യ വ്യക്തി എന്ന നേട്ടവും പ്രേമലത അഗർവാൾ കരസ്ഥമാക്കി

നമ്പർ	ചിത്രം	കൊടുമുടി	ഉയരം	ഭൂഖണ്ഡം	കീഴടക്കിയ വർഷം
1		എവറസ്റ്റ്‌	8,848 മീ (29,029 അടി)	ഏഷ്യ	മെയ് 20 , 2011
2		അകൊൻകാഗ്വ	6,961 മീ (22,838 അടി)	തെക്കേ അമേരിക്ക	ഫെബ്രുവരി 10, 2012
3		ഡെനാലി	6,194 മീ (20,322 അടി)	വടക്കേ അമേരിക്ക	മെയ് 23 , 2013
4		കിളിമഞ്ചാരോ	5,895 മീ (19,341 അടി)	ആഫ്രിക്ക	ജൂൺ 6 , 2008
5		എൽബ്രസ്	5,642 മീ (18,510 അടി)	യൂറോപ്പ്	ഓഗസ്റ്റ് 12 , 2012
6		വിൻസൺ മാസിഫ്	4,892 മീ (16,050 അടി)	അന്റാർട്ടിക്ക	ജനുവരി 5 , 2013
7		പുങ്കക്  ജയാ	4,884 മീ (16,024 അടി)	ഓസ്ട്രേലിയ	ഒക്ടോബർ 22 , 2013

പടിഞ്ഞാറൻ ബംഗാളിലെ ഡാർജിലിംഗ് സ്വദേശിയായ ബിസിനസുകാരനായ രാമവതർ ഗാർഗ് ആണ് പിതാവ് .മുതിർന്ന പത്രപ്രവർത്തകയായ വിമൽ അഗർവാളിനെ വിവാഹം കഴിച്ചു. ദമ്പതികൾക്ക് രണ്ട് പെൺ മക്കൾ ആണ് . പ്രേമലത ഇപ്പോൾ ടാറ്റാ സ്റ്റീലിനൊപ്പം ജോലിചെയ്യുന്നു. ജംഷദ്‌പൂരിലെ ഈസ്റ്റ് സിംഗ്ഭും ജില്ലയിലെ ജുഗ്‌സലായി പട്ടണത്തിലാണ് ഇപ്പോൾ താമസിക്കുന്നത്.

എവറസ്റ്റ് കൊടുമുടി കീഴടക്കിയ ഇന്ത്യക്കാർ

1. ↑ "Premlata scales seven summits -". www.timesofindia.indiatimes.com.
2. ↑ "Premlata scales seven summits -". wwww.thehindu.com.
3. ↑ "Padma Shree for Premlata Agarwal -". www.dashboard-padmaawards.gov.in. Archived from the original on 2022-05-16. Retrieved 2019-09-19.
4. ↑ "Tenzing Norgay National Adventure Award in 2017 for Premlata Agarwal -". www.pib.gov.in.
5. ↑ "48-year-old Premlata Agarwal becomes oldest Indian woman to scale Mt Everest -". indianexpress.com.
6. ↑ "48-year-old Premlata Agarwal- Mother of two becomes oldest Indian woman to climb Mount Everest-". indianexpress.com.
7. ↑ "53-year-old Sangeeta Sindhi Bahl, a former Miss India finalist in 1985, became the oldest Indian woman to scale world's highest peak Mt Everest -". indianexpress.com.
8. ↑ "Premlata Agarwal- seven-summits climbing details -". www.indianexpress.com.