നൃസിംഗപ്രസാദ് ഭാദുരി

ഇംഗ്ലീഷ് വിലാസം

https://ml.wikipedia.org/wiki/Nrisinghaprasad_Bhaduri

നൃസിംഗപ്രസാദ് ഭാദുരി
നൃസിംഗപ്രസാദ് ഭാദുരി, 2015
ദേശീയത	ഇന്ത്യൻ
തൊഴിൽ	ബംഗാളി സാഹിത്യകാരൻ
അറിയപ്പെടുന്ന കൃതി	മഹാഭാരതേർ അഷ്ടാദശി (ഉപന്യാസം)

2016 ലെ കേന്ദ്ര സാഹിത്യ അക്കാദമി പുരസ്കാരം നേടിയ ബംഗാളി എഴുത്തുകാരനാണ്നൃസിംഗപ്രസാദ് ഭാദുരി(নৃসিংহপ্রসাদ ভাদুড়ী.) മഹാഭാരതേർ അഷ്ടാദശി എന്ന ബംഗാളി ലേഖന സമാഹാരത്തിനായിരുന്നു പുരസ്കാരം.^[1]

23 നവമ്പർ 1950-ൽ ബംഗ്ലാദേശിലെ പാബ്നായിൽ ജനനം. ബാല്യം മുതൽ കൊൽക്കത്തയിൽ വാസം.കൽക്കത്ത യൂണിവഴ്സിറ്റിയിൽ നിന്ന് സംസ്കൃതസാഹിത്യത്തിൽ എം.എ ബിരുദം നേടി. നവദ്വീപിലെ വിദ്യാസാഗർ കോളേജിൽ അധ്യാപകനായി ഔദ്യോഗിക ജീവിതം തുടങ്ങി. പിന്നീട് 1981 മുതൽ 2010 വരെ കൊൽക്കത്തയിലെ ഗുരുദാസ് കോളേജിൽ അധ്യാപകനായിരുന്നു. 1987-ൽ സംസ്കൃകത്തിൽ പി.എച്.ഡി നേടി. ആനന്ദബസാർ, ദേശ് തുടങ്ങിയ പത്രങ്ങളിലും വാരികകളിലും നിരന്തരം എഴുതാറുണ്ട്. ഇപ്പോൾ ബംഗാളി സാഹിത്യസംസദിനു വേണ്ടി വേദങ്ങൾ, ഉപനിഷത്തുക്കൾ, പുരാണങ്ങൾ എന്നിവക്കായുള്ള എൻസൈക്ലോപീഡിയ തയ്യാറാക്കുന്നതിൽ വ്യാപൃതനാണ്. രാമായണ മഹാഭാരതങ്ങൾ ഏതാണ്ട് ഒരേ കാലഘട്ടത്തിൽ എഴുതപ്പെട്ട കാവ്യങ്ങളാണ്, ചരിത്രസത്യങ്ങളല്ല എന്ന അഭിപ്രായക്കാരനാണ് ഭാദുരി.^[2]

• കേന്ദ്ര സാഹിത്യ അക്കാദമി പുരസ്കാരം 2016

1. ↑ "സാഹിത്യ അകാദമി അവാർഡ് 2016" (PDF). Archived from the original (PDF) on 2017-09-08. Retrieved 2017-04-20.
2. ↑ Epic-pedia on a Grand Scale