ക്രിമിയ ജനഹിതപരിശോധന, 2014

ഇംഗ്ലീഷ് വിലാസം

https://ml.wikipedia.org/wiki/Crimean_status_referendum,_2014

ക്രിമിയ ജനഹിതപരിശോധന, 2014

ജനഹിതപരിശോധനാഫലമനുസരിച്ച് നിറങ്ങൾ നൽകിയിരിക്കുന്നു
Date	മാർച്ച് 16, 2014 (2014-03-16)
Location	Crimea  Sevastopol
Voting system	ഭൂരിപക്ഷവോട്ട്
ക്രിമിയ സ്വയംഭരണ റിപ്പബ്ലിക്ക്[a][2]
റഷ്യയുമായി ചേരുന്നതുസംബന്ധിച്ച്   96.77% 1992-ലെ ഭരണഘടന പുനസ്ഥാപിക്കൽ   2.51% അസാധു   0.72% വോട്ടിംഗ് ശതമാനം: 83.1%
സെവെസ്റ്റപോൾ[3]
റഷ്യയോട് ചേരുക   95.60% 1992-ലെ ഭരണഘടന പുനസ്ഥാപിക്കൽ   3.37% അസാധു   1.03% വോട്ടിംഗ് ശതമാനം: 89.5%

Autonomous Republic of Crimea/Republic of Crimea
This article is part of a series on the politics and government of Crimea
Constitution Supreme Council (Verkhovna Rada) (dissolved) Chairman: Vacant Council of Ministers Prime Minister: Sergey Aksyonov (disputed) Recent elections Parliamentary: 1994 1998 2002 2006 2010, 2014 Presidential: 1994 Referendum: 1991 1994 2014 Administrative divisions Districts (raions) Municipalities President of Crimea (defunct) Political parties
See also
Republic of Crimea Politics of Ukraine Politics of Russia
Other countries Atlas
ക സ തി

2014 മാർ‌ച്ച് 16-ന് ക്രിമിയയിൽ റഷ്യയോട് ചേരണോ വേണ്ടയോ എന്ന വിഷയത്തിൽ നടത്തിയ ജനഹിതപരിശോധനയാണ് ഈ ലേഖനത്തിൽ ക്രിമിയ ജനഹിതപരിശോധന, 2014 എന്നതുകൊണ്ടുദ്ദേശിക്കുന്നത്. ഉക്രൈനിലെ പ്രദേശങ്ങളായിരുന്ന ക്രിമിയ സ്വയംഭരണ റിപ്പബ്ലിക്കിന്റെയും സെവെസ്റ്റപോളിന്റെയും ഭരണകൂടങ്ങളാണ് ഈ ജനഹിതപരിശോധന നടത്തിയത്. ഹിതപരിശോധനയിലൂടെ ജനങ്ങൾക്ക് റഷ്യൻ ഫെഡറേഷന്റെ ഭാഗമാകണോ അതോ 1992-ലെ ക്രിമിയൻ ഭരണഘടന പുനഃസ്ഥാപിച്ച് ഉക്രൈനിലെ സ്ഥാനവും നിലനിർത്തണോ എന്ന് നിർണ്ണയിക്കാനുള്ള അവസരമാണ് നൽകപ്പെട്ടത്.

ഉക്രൈനിയൻ പ്രസിഡന്റായിരുന്ന വിക്ടർ യാനുകോവിച്ചിനെ പുറത്താക്കിയ 2014-ലെ വിപ്ലവം ഒരു അട്ടിമറിയാണെന്നാണ് ക്രിമിയൻ ഭരണകൂടം കരുതിയത്. ഈ സംഭവവികാസങ്ങളാണ് ഹിതപരിശോധനയിലേയ്ക്ക് നയിച്ചത്.^[4] യൂറോപ്യൻ യൂണിയൻ അംഗങ്ങൾ, അമേരിക്ക, കാനഡ തുടങ്ങി മിക്ക രാജ്യങ്ങളും ഈ ഹിതപരിശോധന നിയമവിരുദ്ധമാണ് എന്ന നിലപാടാണെടുത്തത്.^[5][6] ഐക്യരാഷ്ട്രസംഘടനയുടെ സുരക്ഷാസമിതിയിലെ പതിമൂന്ന് അംഗങ്ങൾ ഈ ഹിതപരിശോധന അസാധുവായി കണക്കാക്കണം എന്ന പ്രമേയത്തിനനുകൂലമായി വോട്ടുചെയ്തുവെങ്കിലും റഷ്യ ഇത് വീറ്റോ ചെയ്യുകയും ചൈന തിരഞ്ഞെടുപ്പിൽ നിന്ന് വിട്ടുനിൽക്കുകയുമുണ്ടായി.^[7][8] പൊതുസഭയിൽ പിന്നീട് 100 അനുകൂലവോട്ടുകളോടെ ഈ ഹിതപരിശോധന അസാധുവാണെന്ന പ്രമേയം പാസാക്കുകയുണ്ടായി. ഈ തിരഞ്ഞെടുപ്പിൽ 11 രാജ്യങ്ങൾ എതിർത്ത് വോട്ടുചെയ്യുകയും 58 രാജ്യങ്ങൾ വോട്ടെടുപ്പിൽ നിന്ന് വിട്ടുനിൽക്കുകയും ചെയ്തു.^[5] ക്രിമിയൻ ടാടാർ ജനതയുടെ മജ്‌ലിസ് ഹിതപരിശോധനയിൽ നിന്ന് വിട്ടുനിൽക്കുവാൻ ആഹ്വാനം ചെയ്യുകയുണ്ടായി.<^[9][10]

റഷ്യ ഈ ഹിതപരിശോധനയുടെ ഫലം അംഗീകരിക്കുകയുണ്ടായി. കൊസോവൊ ഏകപക്ഷീയമായി സ്വാതന്ത്ര്യം പ്രഖ്യാപിച്ചത് ഒരു കീഴ്വഴക്കം സൃഷ്ടിച്ചിട്ടുണ്ട് എന്നാണ് റഷ്യയുടെ നിലപാട്.^[11] പാശ്ചാത്യ പണ്ഡിതർ ഇത��തരം വാദങ്ങളെ ത‌ള്ളിക്കളയുന്നുണ്ട്.<^[12][13][14]

96.77 ശതമാനം വോട്ടുകളും റഷ്യൻ ഫെഡറേഷനുമായി ചേരുന്നതിന് അനുകൂലമായിരുന്നു. 83.1 ശതമാനമായിരുന്നു വോട്ടിംഗ് നില.^[a][2] മെജ്‌ലിസിന്റെ ഡെപ്യൂട്ടി ചെയർമാൻ യഥാർത്ഥ വോട്ടിംഗ് ശതമാനം 30–40 ശതമാനമായിരുന്നിരിക്കാം^[15] എന്ന് പ്രസ്താവിക്കുകയുണ്ടായി. കഴിഞ്ഞ മൂന്നുവർഷത്തെ അഭിപ്രായസർവേ ഫലങ്ങൾ വച്ചുനോക്കിയാൽ റഷ്യയുമായി ചേരുന്നതിനോട് അനുകൂലാഭിപ്രായമുള്ളവർ 34% ആയിരിക്കാമെന്ന് റഷ്യൻ ഭരണകൂടത്തിന്റെ മുൻ ഉപദേഷ്ടാവായ ആൻഡ്രേ ഇല്ലാറിനോവ് പ്രസ്താവിക്കുകയുണ്ടായി.^[16]

ഹിതപരിശോധനയെത്തുടർന്ന് സുപ്രീം കൗൺസിൽ ഓഫ് ക്രിമിയയും സെവെസ്റ്റ‌പോൾ സിറ്റി കൗൺസിലും യുക്രൈനിൽ നിന്ന് സ്വാതന്ത്ര്യം പ്രഖ്യാപിക്കുകയും റഷ്യൻ ഫെഡറേഷനിൽ ചേരുവാനുള്ള തീരുമാനമെടുക്കുകയും ചെയ്തു.^[17] ഈ ദിവസം തന്നെ റഷ്യ ക്രിമിയയെ ഒരു സ്വതന്ത്ര പരമാധികാര രാഷ്ട്രമായി അംഗീകരിച്ചു.^[18][19]