കെ.ബാലകൃഷ്ണ കുറുപ്പ്
കെ.ബാലകൃഷ്ണ കുറുപ്പ് | |
|---|---|
 | |
| ജനനം | ജനുവരി 20, 1927 ചേവായൂർ, കോഴിക്കോട് |
| മരണം | 23 ഫെബ്രുവരി 2000 (പ്രായം 73) |
| ദേശീയത |  ഇന്ത്യ |
| വിദ്യാഭ്യാസം | ഇംഗ്ലീഷ് സാഹിത്യം, സാമ്പത്തികശാസ്ത്രം, സാമൂഹ്യ ശാസ്ത്രം എന്നീ വിഷയങ്ങളിൽ ബിരുദാനന്തര ബിരുദം |
| തൊഴിൽ | അധ്യാപകൻ,ചരിത്രകാരൻ, സാഹിത്യകാരൻ |
| ജീവിതപങ്കാളി(കൾ) | ടി.വൈ.ദേവകിയമ്മ |
| മാതാപിതാക്ക(ൾ) | അരീക്കോടി പറമ്പത്ത് നാരായണൻ അടിയോടി, കുനിയേടത് ചെറിയമ്മമ്മ |
കുനിയേടത്ത് ബാലകൃഷ്ണ കുറുപ്പ് (20 ജനുവരി 1927 - 23 ഫെബ്രുവരി 2000) മലയാള സാഹിത്യകാരൻ ആയിരുന്നു രാഷ്ട്രീയത്തിലും, പത്രപ്രവർത്തനത്തിലും, അധ്യാപന മേഖലയിലും പ്രവർത്തിച്ചിട്ടുണ്ട്. ചരിത്രം, മനഃശാസ്ത്രം, ജ്യോതിഷം എന്നീ മേഖലകളിൽ പണ്ഡിതനായിരുന്നു, ഈ മേഖലകളിൽ പുസ്തകങ്ങൾ രചിച്ചിട്ടുണ്ട് .1998-ൽ ആർഷ ഭൂമിയിലെ ഭോഗസിദ്ധി(തന്ത്ര വിദ്യ ഒരു പഠനം) എന്ന കൃതിക്ക് കേരള സാഹിത്യ അക്കാദമി യുടെ കെ.ആർ.നമ്പൂതിരി എൻഡോവ്മെന്റ് ലഭിച്ചു. ദേശാഭിമാനി പത്രത്തിന്റെ എഡിറ്റോറിയൽ ബോർഡ് മെമ്പർ ആയിരുന്നു.[1]
ജീവചരിത്രം
[തിരുത്തുക]കോഴിക്കോട് ജില്ലയിലെ ചേവായൂരിൽ അരീക്കോടി പറമ്പത്ത് നാരായണൻ അടിയോടി, കുനിയേടത് ചെറിയമ്മമ്മ എന്നിവരുടെ മകനായി 1927 ജനുവരി 20-ന് ജനനം. സ്കൂൾ പഠനകാലം മുതൽ തന്നെ സജീവ കമ്മ്യൂണിസ്റ്റ് പ്രവർത്തകനായിരുന്നു. 1960-കളിൽ സജീവരാഷ്ട്രീയം ഉപേക്ഷിച്ച ഇദ്ദേഹം ഇംഗ്ലീഷ് സാഹിത്യം, സാമ്പത്തികശാസ്ത്രം, സാമൂഹ്യ ശാസ്ത്രം എന്നീ വിഷയങ്ങളിൽ ബിരുദാനാന്തരബിരുദം നേടി. ബംഗാളിലായിരുന്ന സമയത്ത് ജ്യോതിഷത്തോട് തോന്നിയ താല്പര്യം കൊണ്ട് ജ്യോതിഷത്തിൽ പാണ്ഡിത്യം നേടി[1].ടീച്ചർ ട്രെയിനിങ് ഇൻസ്റ്റിറ്റ്യൂട്ടിൽ ദീർഘനാൾ അധ്യാപകനായി ജോലി ചെയ്തു.[1]
ചരിത്രം, ജ്യോതിഷം, മനഃശാസ്ത്രം, ഒക്ക്യൂലറ്റിസം, തത്വശാസ്ത്രം എന്നിവയാണ് ഇദ്ദേഹത്തിന്റ മേഖലകൾ. [2]
ടി.വൈ. ദേവകിയമ്മയാണ് ഇദ്ദേഹത്തിന്റെ ഭാര്യ.[3] നാലുമക്കളാണ് ഇവർക്കുണ്ടായിരുന്നത്. 2000 ഫെബ്രുവരി 23-ന് കോഴിക്കോട്ടെ സ്വവസതിയിൽ വച്ചുണ്ടായ ഹൃദയാഘാതത്തെത്തുടർന്ന് ഇദ്ദേഹം അന്തരിച്ചു. മരണസമയത്ത് 73 വയസ്സായിരുന്നു. കോഴിക്കോടിന്റെ ചരിത്രം മിത്തുകളും യാഥാർഥ്യങ്ങളും എന്ന കൃതി മരണാനന്തരം പ്രസിദ്ധീകരിച്ചു. [4]
കൃതികൾ
[തിരുത്തുക]- കാവ്യശില്പത്തിന്റെ മനഃശാസ്ത്രം
- പ്രസംഗ വേദി
- സ്ത്രീകളുടെ മനഃശാസ്ത്രം
- വിശ്വാസത്തിന്റെ കാണാപ്പുറങ്ങൾ
- കോഴിക്കോടിന്റെ ചരിത്രം മിത്തുകളും യാഥാർഥ്യങ്ങളും
- ബർട്രന്റ് റസ്സൽ (ജീവചരിത്രം)
- വാൽസ്യായന കാമസൂത്രം(ആധുനിക വ്യാഖ്യാനം)
- ആർഷ ഭൂമിയിലെ ഭോഗസിദ്ധി(തന്ത്ര വിദ്യ ഒരു പഠനം), (കേരള സാഹിത്യ അക്കാദമി എൻഡോവ്മെന്റ് ലഭിച്ചു)
അവലംബം
[തിരുത്തുക]- ↑ 1.0 1.1 1.2 "കെ . ബാലകൃഷ്ണ കുറുപ്പ്". കേരള സാഹിത്യ അകാദമി. Archived from the original on 1 December 2017. Retrieved 26 June 2018.
- ↑ കെ . ബാലകൃഷ്ണ കുറുപ്, വിശ്വാസത്തിന്റെ കാണാപ്പുറങ്ങൾ, മാതൃഭൂമി പബ്ലിക്കേഷൻസ്, ജനുവരി 2000
- ↑ "കെ.ബാലകൃഷ്ണ കുറുപ്പിനെ കുറിച്ചുള്ള വിവരണം". പുഴ.കോം. Archived from the original on 22 April 2016. Retrieved 26 June 2018.
{{cite web}}:|archive-date=/|archive-url=timestamp mismatch; 1 ഡിസംബർ 2017 suggested (help) - ↑ കെ . ബാലകൃഷ്ണ കുറുപ്,കോഴിക്കോടിന്റെ ചരിത്രം മിത്തുകളും യാഥാർഥ്യങ്ങളും(മൂന്നാം പതിപ്പ്),ജനുവരി 2013