കെ.കെ. സുധാകരൻ

This article does not cite any sources. Please help improve this article by adding citations to reliable sources. Unsourced material may be challenged and removed. Find sources: "കെ.കെ. സുധാകരൻ" – news · newspapers · books · scholar · JSTOR (2025 ജനുവരി) (Learn how and when to remove this message)

മലയാളത്തിലെ ജനപ്രിയ നോവലിസ്റ്റുകളിൽ ശ്രദ്ധേയനാണ് കെ.കെ. സുധാകരൻ. മലയാളത്തിലെ മുൻനിര പ്രസിദ്ധീകരണങ്ങളിലൂടെ നൂറു കണക്കിന് നോവലുകൾ സുധാകരൻ എഴുതിയിട്ടുണ്ട്. മഹാത്മാഗാന്ധി സർവകലാശാലയിലെ മുൻ അസിസ്റ്റന്റ് യൂണിവേഴ്‌സിറ്റി ലൈബ്രേറിയനായിരുന്നു. 1985 ഇൽ കലാകൗമുദി വാരികയിൽ ഖണ്ഡശ്ശ പ്രസിദ്ധീകരിച്ച നമുക്കു നഗരങ്ങളിൽ ചെന്ന് രാപ്പാർക്കാം എന്ന നോവലാണ് അദ്ദേഹത്തിന്റെ ഏറ്റവും പ്രശസ്തമായ നോവൽ. ഈ കൃതിയെ ആസ്പദമാക്കിയുള്ളതാണ് പി. പദ്മരാജൻ സംവിധാനം ചെയ്ത ക്ലാസിക് ചിത്രമായ 'നമുക്കു പാർക്കാൻ മുന്തിരിത്തോപ്പുകൾ'.^[1]

മാവേലിക്കര കല്ലുമല വളനല്ലൂർ വീട്ടിൽ എൻ കൃഷ്ണപ്പണിക്കരുടെയും കല്യാണി അമ്മയുടെയും ഏക മകനായി  1953 നവംബർ 17നാണ് കെ.കെ. സുധാകരൻ  ജനിച്ചത്. മാവേലിക്കരയിലെ ഗവ. ബോയ്‌സ് ഹൈസ്‌കൂൾ, മാവേലിക്കര ലൂർദ് ബിഷപ്പ് മൂർ വിദ്യാപീഠം, യൂണിവേഴ്സിറ്റി കോളേജ് തിരുവനന്തപുരം എന്നിവിടങ്ങളിലായിരുന്നു അദ്ദേഹത്തിന്റെ വിദ്യാഭ്യാസം. മാവേലിക്കര ബിഷപ്പ് മൂർ കോളേജിൽനിന്ന് സുവോളജി ഐഛികമായി 1971 ൽ ബിരുദം നേടി. മഹാത്മാ ഗാന്ധി സർവ്വകലാശാലയിൽ അസിസ്റ്റന്റ് ലൈബ്രേറിയനായി ജോലി ചെയ്തു.

കെ.കെ. സുധാകരന്റെ ഏറ്റവും പ്രചാരമുള്ള കൃതി നമുക്കു ഗ്രാമങ്ങളിൽ ചെന്ന് രാപ്പാർക്കാം ആണ്. കലാകൗമുദിയിലൂടെ അച്ചടിച്ചുവന്ന ഈ നോവലിന് ആർട്ടിസ്റ്റ് നമ്പൂതിരിയാണ് ചിത്രങ്ങൾ വരച്ചത്. 1986 ൽ നമുക്കു പാർക്കാൻ മുന്തിരിത്തോപ്പുകൾ എന്ന പേരിൽ ഈ നോവലിൻറെ ചലച്ചിത്ര ഭാഷ്യമുണ്ടായി. നീയെത്ര ധന്യ, ആയുർരേഖ എന്നീ സിനിമകളുടെ കഥയും അദ്ദേഹത്തിന്റേതാണ്. കഥയിലെ രാജകുമാരി, എൻ്റെ മാനസപുത്രി, പാരിജാതം തുടങ്ങിയവ ജനപ്രിയ ടെലിവിഷൻ പരമ്പരകളുടെ രചനയും നിർവ്വഹിച്ചു.

1. ↑ "ആദ്യം ചോദിച്ചത് ഷാജി എൻ കരുൺ, പിന്നാലെ പത്മരാജനും..."