കാംഡെബൂ ദേശീയോദ്യാനം

കാംഡെബൂ ദേശീയോദ്യാനം
ഐ.യു.സി.എൻ. ഗണം II (ദേശീയോദ്യാനം)
The Valley of Desolation
Location of the park
Location	Eastern Cape, South Africa
Nearest city	Graaf-Reinet
Coordinates	32°15′S 24°30′E / 32.250°S 24.500°E / -32.250; 24.500
Area	194.05 കി.m2 (74.92 ച മൈ)
Established	1979 (Karoo Nature Reserve) 30 October 2005 (Camdeboo National Park)
Governing body	South African National Parks
www.sanparks.org/parks/camdeboo/

കാംഡെബൂ ദേശീയോദ്യാനം, ദക്ഷിണാഫ്രിക്കയിലെ അർദ്ധ മരുഭൂപ്രദേശമായ കാരൂവിൽ സ്ഥിതിചെയ്യുന്നതും ഏതാണ്ട് പൂർണ്ണമായും ഗ്രാഫിറ്റ്-റെയ്‍നെറ്റ് എന്ന ഈസ്റ്റേറ്റ് കേപ് പട്ടണത്താൽ വലയം ചെയ്തു കിടക്കുന്നതുമായ ഒരു ദേശീയോദ്യാനമാണ്.

2005 ഒക്ടോബർ 30 ന് ദക്ഷിണാഫ്രിക്കയിലെ നാഷണൽ പാർക്ക് മാനേജ്‍മെൻറിൻറെ നേതൃത്വത്തിൽ സൗത്ത് ആഫ്രിക്കയിലെ 22 ആമത്തെ ദേശീയ പാർക്ക് ആയി കാംഡെബൂ ദേശീയോദ്യാനം പ്രഖ്യാപിക്കപ്പെട്ടു. 194 ചതുരശ്ര കിലോമീറ്ററാണ് ഈ ദേശീയോദ്യാനത്തിൻറെ ആകെ വിസ്തൃതി. സർക്കാർ, കൺസർവേഷൻ ഗ്രൂപ്പുകൾ, ബന്ധപ്പെട്ട ഓഹരയുടമകൾ എന്നിവരുമായുള്ള വിപുലമായ കൂടിയാലോചനകൾക്കും നിരന്തരമായ ചർച്ചകൾക്കും ശേഷം, പരിസ്ഥിതി സംരക്ഷണത്തിൻറെയും ടൂറിസത്തിൻറെയും ചുമതലയുള്ള മന്ത്രി മാർഥിനസ് വാൻ ഷാൽക്വിക്, ഗ്രാഫിറ്റ്-റെയ്‍നെറ്റിനെ ചുറ്റിപ്പറ്റിയുള്ള പ്രദേശം സൗത്ത് ആഫ്രിക്കയുടെ 22-ാമത്തെ ദേശീയോദ്യാനമായി പ്രഖ്യാപിച്ചു.

ദക്ഷിണാഫ്രിക്കയിലെ വേൾഡ് വൈഡ് ഫണ്ട് ഫോർ നേച്ചർ (WWF-SA) ഈ പദ്ധതിക്ക് അവരുടെ കൈവശത്തിലുണ്ടായിരുന്ന 14500 ഹെക്ടർ കാരു നേച്ചർ റിസർവ് പ്രദേശം സംഭാവന ചെയ്തിരുന്നു. പദ്ധതിയുടെ മുഖ്യആകർഷണം ഇതാണ്. ദേശീയോദ്യാനത്തിൻറെ പേര് കൂടിയാലോചനയിലൂടെ കാംഡെബൂ ദേശീയോദ്യനം എന്നു നിശ്ചയിക്കുകയും ചെയ്തു.