Црква „Св. Архангел Михаил“ - Битуше

Местоположба
Свети Архангел Михаил

Поглед на црквата
македонска православна црква
Епархија	Дебарско-кичевска
Архијерејско намесништво	Дебарско
Парохија	Дебарско-реканска

Координати	41°36′59.4″N 20°35′20.7″E / 41.616500° СГШ; 20.589083° ИГД / 41.616500; 20.589083
Место	Битуше
Општина	Маврово и Ростуше
Држава	Македонија
Општи податоци
Покровител	Архангел Михаил
Архитектонски опис

Свети Архангел Михаил — главна селска црква во долнореканското село Битуше.^[1] Сместена е во непосредна близина на сретселото.

Архитектура

Градбата на црквата има четириаголна основа. Влезната врата е сместена на јужната страна и над неа има полукружна слика со ликот на Архангел Михаил. На ѕидовите од црквата има неколку правоаголни прозорци, на источната страна има десетаголна апсида со монофорен облик на секоја од петте истакнати страни, а на источниот ѕид над апсидата има окно. Камбанаријата на црквата се издига во западниот дел од црквата, непосредно од десната страна на влезната врата. Таа се состои од два дела, од кои првиот има квадратна основа и се издига веднаш над висината на црквата, додека вториот има осумаголна основа и содржи по еден затворен прозорец на секоја страна. На јужниот ѕид под камбанаријата и до влезната врата има монофора преградена со решетки. Во продолжение на градбата на црквата од западната страна во поново време е дограден помошен објект со влез од јужната страна. Црквата во целост е градена од камен, камбанаријата е од бигор, а обете се покриени со лимен кров.

Дворот на црквата е ограден со камена ограда над која има ниска железна преграда, а во него се сместени селските гробишта.

Икони

Престолните икони на иконостасот и неколку медалјони со светци на долниот дел од сводот на наосот се дело на видниот дебарски мајстор Дичо Зограф.^[2]^[3] Потписи на Дичо има и на престолните икони на Свети Никола, Свети Илија, Свети Георги, Светите Модест и Спиридон, како и на Свети Димитриј.^[2]

Галерија

Црквата со гробиштата
Глетка кон црквата надвор од дворот
Јужната и источната страна на црквата со апсидата
Влезната врата
Сликата на Свети Архангел Михаил над влезната врата
Камбанаријата на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 36. ISBN 978-608-65143-2-7.
↑ ^2,0 ^2,1 А., Е.. „Дичо Зограф - еден од најистакнатите македонски зографи“. Премин Портал. 18 октомври 2008.
↑ „Иконописното творештво на Дичо Зограф во Скопје и Скопскиот Регион“. Премин Портал. 10 октомври 2008.

Надворешни врски

Црква „Св. Архангел Михаил“ - Битуше на Ризницата ^?

[список-1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 36. ISBN 978-608-65143-2-7.

[Премин_Портал-2] 2,0 ^2,1 А., Е.. „Дичо Зограф - еден од најистакнатите македонски зографи“. Премин Портал. 18 октомври 2008.

[Иконописното_творештво-3] „Иконописното творештво на Дичо Зограф во Скопје и Скопскиот Регион“. Премин Портал. 10 октомври 2008.

[1]