Лимонит

Лимонит е железна руда составена од мешави��а на хидратни железо (III) оксид-хидроксиди во различен состав. Општата формула често се пишува како FeO(OH)·nH₂O, но тоа не секогаш е точно бидејќи односот на оксидот и хидроксидот може силно да варира. Лимонит е една од трите основни железни руди, заедно со хематит и магнетит, и се ископува за производство на железо од пред најмалку 2500 г.п.н.е.^[1]

Лимонит името го добил од грчкиот збор лемон (λειμών), што значи „влажна ливада“ или лимн (λίμνη), што значи „мочурливо езеро“ затоа што ваквата руда најчесто може да се најде во ливадите и мочуриштата. Понекогаш може да се најде во кафева варијанта и тогаш се нарекува кафеав хематит ^[2] или кафеава железна руда. ^[3]

Лимонитот е релативно густ со специфична тежа од 2,7 до 4,3.^[4] Обично има средно до темно жолтеникаво кафеава боја. Цврстината е доста променлива, и се движи од 1 до 5. Има висок показател на прекршување, 2,0 - 2,4.

• 
  Лимонит депониран по истекување на рудник
• 
  Галена и лимонит

Лимонитот обично настанува со хидратација на хематит и магнетит, со оксидација и хидратација на сулфидни минерали богати со железо и хемиски атмосферски влијанија на други минерали богати со железо како оливин, пироксен, амфибол и биотит.^[5] Често е главната железна компонента во латеритни почви.^[6][7]

Лимонитните руди богати со никел се најголем извор на никел. Ваквите минерали се класифицирани како латеритни наоѓалишта на никелова руда.^[8]

Најпрво се употребувал како пигме��т. Од жолтиот лимонит се произведувала жолта окер боја по која бил прочуен Кипар,^[9] а од потемните форми се произведувале повеќе земјени тонови. Лимонитот бил еден од првите материјали кои ги користеле луѓето како пигменти, што може да се види во неолитските пештерски слики и пиктографи.^[10]

• Железна руда

• Минерални галерии
• Миндат
• Злато и лимонит