Вајсвасер

Вајсвасер/Бела Вода Weißwasser/Běła Woda
Градската библиотека во Вајсвасер
Вајсвасер/Бела Вода
Управа
Земја	Германија
Покраина	Саксонија
Округ	Герлиц
Општ. заед.	Вајсвасер
Градоначалник	Торстен Печ (Klartext)
Основни податоци
Површина	63,60 км2
Надм. височина	140 м
Население	15.136 (31 декември 2022)[1]
- Густина	238 жит/км2
Други информации
Часовен појас	CET/CEST (UTC+1/+2)
Рег. табл.	GR
Пошт. бр.	02943
Повик. бр.	03576
Портал	www.weisswasser.de
Местоположба на градот Вајсвасер/Бела Вода во рамките на округот Герлиц
Координати	51°30′N 14°38′E / 51.500° СГШ; 14.633° ИГД / 51.500; 14.633

Вајсвасер (германски: Weißwasser, горнолужички: Běła Woda) — град во историската област Горна Лужица, во источниот дел на сојузната покраина Саксонија, Германија.

Вајсвасер е третиот најголем град во округот Герлиц, веднаш зад Герлиц и Цитау. Градската знаменитост е неговата водокула.

Вајсвасер бил спомнат првпат на 8 јуни 1552; името на градот значи „бела вода“. Станал дел од пруска Шлеска во 1815. Во XIX и XX век, Вајсвасер бил европскиот центар за производство на стакло. Станал дел од пруската покраината Долна Шлеска во 1919.

Вајсвасер ги добил своите градски права на 28 август 1935. Во Втората светска војна, 40% од градот бил уништен. Со распаѓањето на Прусија, како последица на војната, градот станал дел од Саксонија од 1945-52. Потоа бил дел од комунистичка Источна Германија од 1952-90 и администриран во рамките на Округот Котбус. Многу претпријатија биле затворени во текот на комунистичкиот режим. По падот на Берлинскиот ѕид, останале само неколку. По обновувањето на Саксонија по повторното обединување на Германија, градот се вратил под администрација на покраината.

Вајсвасер сега се соочува со последиците од повторното обединување на Германија, особено силно била погодена локалната економија. Многу луѓе ги загубиле нивните работни места и во градот сè уште има висока стапка на невработеност. Постепено, многу луѓе се решаваат да ја напуштат областа во потрага по работа во другите делови на Германија.

Во септември 2005, Вајсвасер бил домаќин на „Денот на Саксонците. Настанот бил многу успешен, со над 300.000 посетители, со што градот се презентирал како идна туристичка атракција.

Грбот бил донесен на 31 јануари 1927. Двете зелени стаклени чаши ја симболизираат индустријата за стакло на градот, која била една од најголемите во поранешна Источна Германија. Алатите се однесуваат на рударството, кое сега е напуштено во градот. Сината и жолтата се традиционални бои на Горна Лужица и белите бранови во долниот дел на грбот го симболизираат името на градот.

Движење на бројките за население низ години:

Извор од 1998: Статистичко биро на Саксонија

• Водокула
• Стадион за хокеј на мраз „Фухсбау“
• Музеј за производителите на стакло
• Зоолошка градина
• Пиклер - парк во Бад Мускау
• Рододендрон - парк во Кромлау
• Шумска железница Мускау
• Браунштајх - езеро

Локалниот клуб за хокеј на мраз Eissport Weißwasser, познат и како „Лисиците“, бил најуспешниот клуб во Првата лига за хокеј на мраз во поранешната Источна Германија.

• Вајсвасер на Ризницата ^?
• Официјална страница

п р у Градови и општини во округот Герлиц Бад Мускау Бајерсдорф Бернштат на Ајген Бертсдорф-Херниц Боксберг Вајсвасер Вајскајсел Валдхуфен Габленц Герлиц Грос Дибен Гросшвајдниц Гросшенау Дирхенерсдорф Еберсбах-Нојгерсдорф Зајфхенерсдорф Јонсдорф Квицдорф ам Зе Кенигсхајн Кодерсдорф Котмар Краушвиц Креба-Нојдорф Лавалде Лебау Лојтерсдорф Маркерсдорф Мика Мителхервигсдорф Најсеауе Ниски Нојзалца-Шпремберг Одервиц Ојбин Олберсдорф Опах Остриц Рајхенбах Ричен Розенбах Ротенбург Требендорф Фиркирхен Хајневалде Хенихен Хернхут Хоендубрау Хорка Цитау Шенау-Берцдорф Шенбах Шлајфе Шепстал