Ангус

Ангус
Ангус
	Грофовија (до околу 1890)
Земја	Шкотска
Админ. центар	Форфар
Површина
• Вкупна	2.302 км2 (889 ми2)
	XI место
Чепменов код	ANS

Ангус
*Angus*
*Aonghas*
Ангус; Angus; Aonghas
	Грб
Местоположба
Географија
Површина	X место
- Вкупно	2182 км²
Админ. центар	Форфар
ISO 3166-2	GB-ANS
ONS-код	00QC
Демографија
Население	XIX место
- Вкупно (2005)	110.300
- Густина	51/км²
Политика
	Совет на Ангус; http://www.angus.gov.uk/
Управ. партии	независен/Конзервативци/Либералдемократи/Лабуристи
Пратеници	Стјуарт Хоузи, ШНП; Џејмс Мекгаверн, Лабур.; Мајкл Вир, ШНП;
Пратеници	Најџел Дон, ШНП; Греам Деј, ШНП;

Ангус (англиски: Angus, гелски: Aonghas) е управна област, регистарска грофовија и намесништво во Шкотска. Областа се граничи со управните области Абердиншир, Перт и Кинрос и градот Данди. Главни стопански гранки се земјоделството и рибарството.

Историја

Ангус во минатото бил грофовија (официјално Форфаршир од XVIII век до 1928, кога е вратено древното име) сè до 1975 кога станал округ во рамките на регионот Тејсајд. Во 1996 е укината двостепената локална самоуправа, и така Ангус станал управна област. Грофовијата Ангус се граничела со грофовиите Кинкардиншир на североисток, Абердиншир на север и Пертшир на запад. На југ гледала во Фајф преку Тејскиот Ферт. Границите на денешната управна област се исти како оние на грофовијата, но без градот Данди.

Географија

Ангус може да се подели на три географски подрачја. Северниот и западниот дел е планински и ретко населен. Населението претежно се занимава со сточарство. Јужниот и источниот дел го карактеризираат благи ридови и крајбрежје. Овој дел е мошне населен, а најголемите места (како градот Данди) се приморски. Помеѓу овие две подрачја се протега плодниот земјоделски предел Стратмор (од гел. An Srath Mòr = „Голема Долина“) познат по одгледувањето на компир, меко овошје и говеда од расата Ангус.

Поважни населени места

Арброт - најголем град
Брихин
Карнусти
Киримјур
Монифит
Монтроуз
Форфар - административен центар

Места од интерес

Брихинска катедрала
замокот Брихин
Национален парк Кернгормс
замокот Едзел^[1]
замокот Гламз^[2]
Музеј на Монтроуз

Збратимени области

– Јантај, НР Кина.^[3]

Поврзано

Ерл од Ангус

Наводи

↑ Неоткриена Шкотска: Edzell Castle
↑ Замок Гламз (англиски)
↑ Совет на Ангус (21 јануари 2002). "Посета од Јантај". Соопштение за печат. посет. 6 септември 2010 г Архивирано на 2 март 2012 г. „архивски примерок“. Архивирано од изворникот на 2012-03-02. Посетено на 2011-09-01. (англиски)