Pulau Anak Krakatau

Pulau Anak Krakatau 6°6′0″S, 105°25′0″E, adolah pulau vulkanik ketek, nan muncua di antaro pulau Sertung(Bld.: Verlaten Eiland) jo pulau Rakata Ketek atau pulau Panjang (Bld.: Lang Eiland) pado taun 1927, di titiak nan dulunyo adolah lauik nan bakadalaman 27 m jo sabalunnyo panah manjadi bagian daratan pulau Rakata. Tampilan pulau iko didominasi dek gunuang api nan masih aktif, Gunuang Anak Krakatau. Hampia satiok wakatu, hanyo jo jeda babarapo bulan, gunuang ko acok malatuik ketek jo tipe "Stromboli", barupo latuihan eksplosif nan mamancakan material baru ka udaro, untuak mambangun tubuahnyo.

Pulau ko adolah pulau tamudo di Indonesia nan tabantuak dek aktivitas vulkanik.

Guguihan kapulauan Krakatau, tamasuak Anak Krakatau, sacaro administratif marupokan wilayah Kabupaten Lampung Selatan, Provinsi Lampung. Saluruah kawasan kapulauan marupokan kawasan talinduang sacaro hukum, sabagai Cagar Alam Krakatau nan dikalola dek BKSDA (Badan Konservasi Sumberdayo Alam) Lampung Selatan. Kawasan ko, tarutamo pulau Anak Krakatau, mamiliki kaistimewaan dari sisi ekologi karano manjadi laboratorium alam baa suatu ekosistem mambangun baliak dirinyo dalam situasi nan relatif tarisolasi. Dari sisi geologi pun kawasan ko juo manjadi tampek baraja ekosistem.

Aktivitas gunuang api kini dipantau dari duo titiak: Pos Pangamatan Carita di sisi Pulau Jao jo dari Pos Pangamatan Kalianda di sisi Pulau Sumatera. Salain itu, di babarapo titiak Pulau Anak Krakatau juo dipasang babarapa alaik pamantau aktivitas vulkanik (meskipun bakali-kali rusak dek aktivitas gunuang api nan amaik tinggi).

Iko baru laman rancangan. Bantulah Wikipedia untuak mangambangannyo. l b s