Pneumonia

Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis. Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor. Kok Sanak paralu bantuan atau ka barubek bakonsultasilah jo tanago kasihatan profesional.

Pneumonia
Namo lain	Pneumonitis, bronkopneumonia,[1] radang paru
X-ray dado pneumonia nan disababkan dek influenza jo Haemophilus influenzae, di ma tampak pamadekan jaringan, utamonyo pado lobus kanan ateh (panah).
Palafalan	/njuːˈməʊniə/
Spesialisasi	Pulmonologi, panyakik mamindah
Gejala	Batuak, sasak angok, angok capek, damam[2] Severity is variable.[2]
Durasi	Babarapo pakan[3] It often takes a few weeks before most symptoms resolve.[3]
Panyabab	Bakteri, virus, aspirasi[4][5]
Faktor risiko	Fibrosis sistik, PPOK, asma, diabetes, gagal jantuan, riwayaik marokok[6]
Diagnosis	Manuruik gejala, X-ray dado[7]
Kondisi sarupo	PPOK, asma, edema paru, emboli paru[8]
Panagahan	Vaksin, cuci tangan, indak marokok[9]
Pangubekan	Antibiotik, antivirus, terapi oksigen[10][11]
Frekuensi	450 juta (7%) per taun[11][12]
Kamatian	Ampek juta per taun[11][12]
[edit on Wikidata]

Pneumonia atau radang paru adolah paradangan pado paru —utamonyo mamangaruahi kantuang-kantuang udaro mikroskopik nan tanamo jo alveolus.^[4][13] Panyakik ko biasonyo takaik jo kasus infeksi (bakteri jo virus) dan jarang mikroorganisme lainnyo, ubek-buek tatantu, sarato kondisi lain cando panyakik autoimun.^[4][14] Kaluahan utamo pasien nan mandarito panyakik iko biasonyo damam, sasak angok, batuak badahak, inggo nyeri dado.^[15] Pado urang gadang, panyakik ko takaik jo dayo tahan tubuah nan sadang lamah (imunokompeten).

Alaik diagnostik mancakup rontgen jo pangambilan kultur dari sputum. Vaksin untuak maadang jinih pneumonia tatantu kini alah tasadio. Pangubatan nan dilakukan bagantuang pado panyabab dasanyo. Dugaan pneumonia bakterial diubek jo antibiotik. Kok pneumonianyo parah, pandarito biasonyo dirujuak ka rumah sakik. 

Tiok taunnyo, pneumonia manjangkiti sakitar 450 juta urang, tujuah persen dari total populasi dunia, dan manyababkan sakitar 4 juta kamatian. Walaupun pneumonia bajuluak "the captain of the men of death" (pamimpin kamatian) dek William Osler pado abaik ka-19,^[16] panamuan terapi antibiotik jo vaksin pado abaik ka-20 alah maningkekan dayo tahan iduik.^[11] Walaupun baitu, di nagara bakambang, dan di antaro urang-urang barumua sangaik lanjuik, sangaik mudo, jo pandarito sakik kronis, pneumonia tatap manjadi panyabab kamatian nan utamo.^[11][17]

Pneumonia acok bamulo dari infeksi saluran angok ateh nan kudian bapindah ka saluran angok bawah.^[18]

Vaksinasi taadok Haemophilus influenzae jo Streptococcus pneumoniae alah mampunyoi bukti rancak untuak mandukuang panggunoannya.^[18] Maimunisasi anak dari Streptococcus pneumoniae alah manyababkan panurunan insiden infeksi iko pado urang gadang, dek banyak urang gadang mandapek infeksi iko dari anak-anak. Vaksin Streptococcus pneumoniae tasadio untuak urang gadang, dan alah ditamukan manurunkan risiko panyakik pneumokokal nan invansif.^[19] Vaksin lain nan mandukuang efek palinduangan dari pneumonia tamasuak: kahak kuhua (batuak ajan), caca aia, jo campak.^[20]

Baranti marokok^[21] jo manurunkan polusi udaro di dalam ruangan, sarupo nan dari hasia mamasak di dalam ruangan jo mamakai kayu atau kotoran jawi, dianjurkan.^[22][23] Marokok tampaknyo manjadi faktor risiko paliang gadang untuak pneumonia pneumokokal pado urang gadang nan samustinyo sihaik.^[24] Kabarasiahan tangan sarato manutuik muluik jo langan katiko batuak bisa juo manjadi sarana panagahan nan efektif.^[20] Pamakaian masker operasi dek urang nan sakik bisa juo managah pamindahan panyakik.^[24]

Maubeki panyakik dasanyo (sarupo HIV/AIDS, diabetes melitus, jo malagizi) sacaro tapek bisa manurunkan risiko pneumonia.^[23][20][25] Pado anak-anak umua di bawah 6 bulan diagiahan susu ibu ekslusif manurunkan baiak risiko ataupun kaparahan panyakik.^[23] Di kalangan urang nan mandarito HIV/AIDS sarato etongan CD4 kurang dari 200 sel/uL, antibiotik trimetoprim/sulfametoksazol manurunkan risiko Pneumonia pneumosistis^[26] dan bisa juo baguno sabagai panagah untuak urang nan mampunyoi gangguan kakebalan tubuah tapi indak mampunyoi HIV.^[27]

Pamaresoan Streptokokus Grup B dan Klamidia trakomatis pado padusi manganduang, jo maagiah ubek antibiotik, kok diparalukan, manurunkan risiko tingkek pneumonia pado bayi;^[28][29] sarana panagahan transmisi dari mandeh ka anak bisa efisien pulo.^[30] Maisok muluik jo tabuang angok bayi dengan cairan amnion nan tacemar mekonium alun tabukti manurunkan tingkek pneumonia aspirasi dan bisa mambahayokan,^[31] jadi praktik ko indak dianjurkan dalam kabanyakan situasi.^[31] Di kalangan urang-urang tuo nan ringkih, parawatan kasihatan muluik nan rancak bisa manurunkan risiko pneumonia aspirasi.^[32]

Biasonyo, antibiotik oral, istirahaik, analgesik sederhana, jo cairan cukuik untuak cegak total.^[33] Namun, urang jo kondisi medis lain, urang-urang gaek, atau urang nan gangguan angok barek mungkin mamaraluan pangubatan labiah lanjuik. Kok gejala mamburuak, pneumonia indak mambaiak jo ubek di rumah, atau tajadi komplikasi, parawatan di rumah sakik manjadi paralu dilakukan.^[33] Di saluruah dunia, kiro-kiro 7--13& kasus di kalangan anak-anak paralu dirawaik inok^[34] samantaro di nagara maju antaro 22 inggo 42% urang gadang jo pneumonia nan didapek dari komunitas dirawaik di rumah sakik.^[33] SkorCURB-65 baguno untuak manantuan rawaik inok di kalangan urang gadang.^[33] Kok skornyo 0 atau 1 pandarito biasonyo bisa ditangani jo rawaik jalan, kok skornyo 2 paralu rawaik singkek di rumah sakik atau tindak lanjuik untuak manaruihan parawatan, kok skornyo 3--5 dianjuran rawaik inap di rumah sakik.^[33] Di kalangan anak-anak, nan maalami kapayahan dalam barangok atau saturasi oksigennyo kurang dari 90% musti barawaik di RS.^[35] Manfaat fisioterapi dadao dalam pneumonia alun lai jaleh.^[36] Ventilasi non-invasif bisa bamanfaat untuak urang nan dirawaik di unit rawaik intensif (ICU).^[37] Ubek batuak tanpa resep dotor alun tabukti efektif^[38] baitu pulo panggunoan unsur seng di kalangan anak-anak.^[39] Indak ado cukuik bukti untuak mukolitik.^[38]

Antibiotik dapek manyegakan pandarito pneumonia bakteri.^[40] Pado mulonyo piliahan antibiotik tagantuang pado karakteristik pandarito, cando umua, kasihatan dasanyo, jo lokasi dimano infeksi didapek. Di Inggirih, pangubatan empiris jo amoksisilin dianjurkan sabagai piliahan partamo untuak pneumonia nan didapek dari komunitas, jo doksisiklin atau klaritromisin sabagai alternatifnyo.^[33] Di Amerika Utara, di mano bantuak “atipikal” dari pneumonia nan didapek dari komunitas labiah umum, makrolid (sarupo azitromisin atau eritromisin), dan doksosiklin manggantikan amoksisilin sabagai piliahan partamo untuak rawaik jalan di kalangan urang gadang.^[41][42] Di kalangan anak-anak jo gejala ringan atau sadang, amoksisilin tatap manjadi piliahan partamo.^[35] Panggunoan fluorokuinolon dalam kasus nan indak rumik indak dianjurkan dek efek sampiang nan ditakuikan samantaro manfaat klinisnyo indak pulo labiah gadang.^[41][43] Durasi pangubatan biasonyo tujuah inggo sapuluah ari, tapi bukti nan makin banyak manunjuakan baso mamakai ubek nan labiah pendek (tigo inggo limo ari) samo efektifnyo.^[44] Dianjurkan untuak pneumonia nan didapek dari rumah sakik tamasuak sefalosporin, karbapenem, fluorokuinolon, aminoglikosida, jo vankomisin generasi katigo jo kaampek.^[45] Antibiotik ko acok diagiah sacaro intravena dan digunokan sabagai kombinasi.^[45] Di kalangan urang nan dirawaik di rumah sakik labiah dari 90% mambaiak jo pangubatan antibiotik awa.^[46]

Paambek neuraminidase bisa digunokan untuak maubek pneumonia virus nan disababkan dek virus influenza (influenza A jo influenza B).^[47] Indak ado pangubatan antivirus nan dianjurkan untuak jinih lain dari pneumonia virus nan didapek dari komunitas tamasuak virus SARS coronavirus, adenovirus, hantavirus, jo parainfluenza.^[47] Influenza A bisa diubek jo rimantadine atau amantadine, samantaro influenza A atau B bisa diubek jo oseltamivir, zanamivir atau peramivir.^[47] Pangubatan iko paliang bamanfaat kok mulai diagiah dalam wakatu 48 jam sajak muncuanyo gejala mulo.^[47] Banyak strain dari influenza A H5N1, dikana juo sabagai avian influenza atau "flu buruang," alah manunjuakan katahanan dari rimantadine jo amantadine.^[47] Panggunoan antibiotik dalam pneumonia virus dianjurkan dek babarapo ahli dek indak mungkin mangasampiangkan tajadinyo infeksi bakteri nan labiah rumik.^[47] British Thoracic Society maanjurkan supayo antibiotik indak diagiah pado urang nan maalami sakik ringan.^[47] Panggunoan kortikosteroid masih kontroversial pado pneumonia virus.^[47]

Pado umumnyo, pneumonitis aspirasi diubek sacaro konservatif jo antibiotik nan ditujukan hanyo untuak pneumonia aspirasi.^[48] Piliahan antibiotiknyo bagantuang pado babarapo faktor, tamasuak organisme panyabab nan dicurigai dan apokoh pneumonia didapek di komunitas atau dari rumah sakik. Piliahan umumnyo tamasuak klindamisin, kombinasi antibiotik beta-laktam jo metronidazole, atau aminoglikosida.^[49] Kortikosteroid kadang-kadang digunokan dalam pneumonia aspirasi, tapi hanyo ado saketek bukti nan mandukuang efektivitasnyo.^[48]

Dek karano tingginyo baban panyakik pado nagara-nagara bakambang sarato kasadaran nan relatif randah pado panyakik ko di nagara-nagara maju, komunitas kasihatan global mandeklarasikan 12 November sabagai Ari Pneumonia Dunia, ari untuak warga nagara jo pambuek limbago nan mampunyoi paratian bakeh panyakik ko untuak malakukan tindakan malawan panyakik tu.^[50] Biaya ekonomi global dari komunitas karano pneumonia dipakirokan mancapai $17 miliar.^[51]

Wikiquote punyo koleksi kutipan nan berkaitan jo: Pneumonia