7 вӱдшор
| ← вӱдшор → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
| 2025 ий | ||||||
7 вӱдшор (7 апрель) — григориан кечышот почеш идалыкын 97-ше (кужемдыме ийлаште — 98-ше) кечыже. Идалык пытыме марте 268 кече кодеш.
Пайрем да памятный дате-влак
[тӧрлаташ | кодым тӧрлаташ]
Тӱнямбалне тазалык кечым палемдат. Лач ты кечын 1948-ше ийыште тӱнямбалсе тазалык аралтыш ушемым почыныт.
Россий Подводник-влакым шарныме кече. 1989 ийыште вӱд йымак кайыше «Комсомолец» пушын экипажшым шарныме лӱмеш эртаралтеш.- Россий РУНЕТын шочмо кечыже. РУНЕТ – тиде Интернетын руш ужашыже.
Лӱмгече
[тӧрлаташ | кодым тӧрлаташ]- Католик лӱм-влак: Александр, Брынах, Генрих, Герман, Келлах, Ноткер, Ральф, Целестин, Цельс, Эдвард, Эйберт.
- Танле (православный) лӱм-влак: Савва, Тихон
Событий-влак
[тӧрлаташ | кодым тӧрлаташ]Тугак ончо: Категорий:Вӱдшор тылзын 7 кечысе событий-влак
- 1805 ий — Людвиг ван Бетховенын кумшо симфонийжын премьерыже лийын.
- 1827 ий — англичан фармацевт Джон Уокер икымше спичке шырпым ужален.
- 1899 ий — Моско олаште икымше электрический трамвайым линийыш колтымо.
Шочыныт
[тӧрлаташ | кодым тӧрлаташ]Тугак ончо: Категорий:Вӱдшор тылзын 7 кечынже шочшо-влак
- 1947 — Александр Леонидович Азин, шанче да тазалык аралтыш пашаеҥ. Марий Элышке 1997-ше ийыште толын: сар ветеран-влакым эмлымверыште тӱҥ эмлызын алмаштышыжлан тыршаш тӱҥалын, тыгодымак Марий кугыжаныш университетысе айдемын физиологий да анатомий кафедрын профессоржо лийын. 130 наре шанче пашан авторжо. Тудын ыштыме «Симпатокор» приборжо Брюссельысе ончерыште Шӧртньӧ медальым сеҥен налын.
- 1954 — Михаил Аркадьевич Зайцев, пашазе. Морко посёлкышто шочын. 35 ий тудо МарБумКомбинатыште тыршен. Совет Ушем кӱшыл погынын депутатшат лийын. Пашажым аклен, тудым 3-шо степенян Паша Чап орден дене палемденыт.
- 1956 — Вениамин Витальевич Кельдыбай, инженер-технолог. Шкеже тудо У Роҥго кундем гыч. 1978-ше ийыште «Кристалл» ушемыште пашам ышташ тӱҥалын, а 1993-шо ий гыч ты ушемынак пӧлка вуйлатышыже. Электронасос агрегат-влакым ыштымаште тудынат кугу надырже уло. Марий Эл кугыжаныш премийын лауреатше.
- 1974 — Андриянова, Лариса Михайловна, артистка, Марий самырык театрын актрисыже. Свердлов вел Куркеде лӱман марий ял гыч.
- 1979 — Евгения Юрьевна Бадамшина (Питаева), марий шанчызе, туныктышо, ялозанлык шанче кандидат, доцент.
Коленыт
[тӧрлаташ | кодым тӧрлаташ]Тугак ончо: Категорий:Вӱдшор тылзын 7 кечынже колышо-влак
- 1944 — Герасим Микай, марий серызе, почеламутчо, басньывозызо, туныктышо, сотемдарче, РСФСР Паша Талешке (1924).
Калык пале
[тӧрлаташ | кодым тӧрлаташ]Благовещений кече. Тиде кечын колан але ковыштан когыльым кÿэштыныт. Тыгак тиде кечын тöшакысе олымым улан вашталтеныт, а тоштыжым йÿлалтеныт.
|
7 вӱдшор Викиклатыште? |
|---|