Azia Atsinanana
I Azia Atsinanana dia faritra atsinanana ao amin'ny kôntinentan'i Azia. Ireto avy ireo firenena hita ao Azia Atsinanana: Sina, Kôrea Avaratra, Kôrea Atsimo, Japàna ary i Taioàna. Manampy azy ireo i Môngôlia (izay indraindray tao isan'i Azia Afovoany) sy i Vietnamy sy i Singaporo (noho ny antony ara-kolontsaina, atambatra matetika amin'i Azia Atsimo-Atsinanana), ny faritra rosiana Farany Atsinanana koa dia azo ampidirina ao. Matetika dia akambana amin'ny faritra Farany Atsinanana izy.
Kolontsaina
[hanova | hanova ny fango]Ara-tantara dia nisy akony tao amin'ny kolontsain'ireo firenena ao Azia Atsinanana i Sina, indrindra momba ny voambolana sy ny fanoratana ary ny finoana sy ny fivavahana. Ny fototr'izany kolontsaina izany dia ny ao amin'ny tapany atsinanan'i Sina, ny saikanosy kôreana ary i Japàna, maro mantsy ny zavatra itovian'ireo faritra sy firenena ireo, toy ny:
- fananana toetany mando antonontonona (kôntinentaly ny any avaratra fa trôpikaly ny any amin'ny farany atsimo) ary mety amin'n yfampbolena (varimbazaha, vary indrindra);
- fananana sivilizasiona efa nisy nandritra ny anarivo taona;
- fomba fanoratana izay nifotoran'ny soratra sinoa;
- ny fivavahana sy ny filôzôfia: bodisma sy taôisma ary kônfosianisma.
Ny fielezan'ny kolontsaina sinoa nankany atsinanana (Kôrea sy Japàna) dia efa tamin'ny taonjato faha- 6. Ny fieleaan'izany mankany Môngôlia sy any Andrefana tamin'ny taonjato faha-11 nioaraka amin'ny dinastia Yuan avy amin'ny Môngôliana noho ny ezak'i e Gengis Khan.
Ny mponina
[hanova | hanova ny fango]Tamlin'ny taona 2016 dia nisy mponina miisa 1,6 tapitrisa ny tany Azia Atsinanana, ka 21,8%n'ny mponina maneran-tany izany. Izy no faritra faharoa ahitana mponina betsaka indrindra aorian'i Azia Atsimo.
| Taona | Azia Atsinanana | Maneran-tany | Isanjato |
|---|---|---|---|
| 1950 | 666 586 000 | 2 525 149 000 | 26,4 % |
| 1960 | 788 145 000 | 3 018 344 000 | 26,1 % |
| 1970 | 978 113 000 | 3 682 488 000 | 26,6 % |
| 1980 | 1 173 372 000 | 4 439 632 000 | 26,4 % |
| 1990 | 1 368 592 000 | 5 309 668 000 | 25,8 % |
| 2000 | 1 496 284 000 | 6 126 622 000 | 24,4 % |
| 2010 | 1 575 320 000 | 6 929 725 000 | 22,7 % |
| 2016 | 1 618 778 000 | 7 432 663 000 | 21,8 % |
Noho ny tahan'ny fiterahana izay ambany dia ambany dia tsy mitsaha-midina ny isanjaton'ny mponina ao Azia Atsinanana raha ampitahaina amin'ny isan'ny mponina maneran-tany. Fanampin'izany dia faritra ahitana fihanteran'ny mponina haingana indrindra i Azia Atsinanana.