Wikizzionari

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivud in lombard, con la Noeuva Ortografia Lombarda

El Wikizzionari a l’è on proget cooperativistich gratuit de tante lengue, in su la red, sostegnud de la Wikimedia Foundation, per prodù on dizzionari onlain liber, in tante lengue, con significad, etimologie e pronunce, a drovà on piataforma wiki compagna de la Wikipedia, soa compagna lessical.

Adree a on'idea nassuda del Daniel Alston, el proget (a l'inviada domà in ingles) l'ha vedud l'aria el 12 de desember del 2002. I prim Wikizzionari de tante lengue trad in pee, a inn stad quell frances e quell polach, nassud tucc du el 29 de marz del 2004; a setember 2011 a gh'eren di Wikizzionari in 157 lengue, per on total de squas 12 million di vos.^[1]

Fina al 1º de masg del 2004 el proget a l'era stad ospitad in su on URL temporani, e poeu l'è stad moss a l'adress d'incoeu. Al dì d'incoeu (18 de desember del 2022) la version lombarda la gh'ha dent pressapoch 22.100 vos asca di apendici de gramatega lombarda e de lessich.

El 18 de desember del 2022 i magior Wikizzionari i eren:

1. Ingles: 7.262.109 vos
2. Frances: 4.588.294 vos
3. Malagasi: 1.754.181 vos
4. Russo: 1.228.476 vos
5. Todesch: 1.069.018 vos
6. Cines: 1.258.402 vos
7. Spagnoeul: 915.360 vos

Diversament de tanti dizzionari che i gh'hann denter domà vuna o do lengue, el Wikizzionari a l'è on dizionari con dent tante lengue e internazzional, o ben el so fin ambizzios a l’è quell regoeujer ogni parolla per ogni lengua conossuda.

1. ↑ Statistiche ufficiali di tutti i progetti Wiktionary. URL consultad in data 25 settembre 2011.

• https://lmo.wiktionary.org (Wikizzionari in lombard)