Piovisna
La piovisna a l’è on tipo di precipitazion liquida fada su de gottìnn piscinìnn de pioeuva. El sò diametro el gh’hà de vèss inferior de 0,5mm, diversament a se parla de pioeuva. Quèsta precipitazion chì a l’è de sòlit sossènn densa, per quèst i gottìnn paren a volteggià per l’ari, tant che l'è facil a osservà tucc i sò moviment. Amalastant la grandèzza piscinina di gottìnn, despèss la precipitazion l’è costanta tant che la se muccià a la velocità equivalemnta de 1 mm de pioeuva a l'ora. El còdes METAR de la piovisna a l'è DZ.
La pò vèss ‘na fase transitòria de la precipitazion piovosa oppùr ingeneràss del nivoleri faa su de nìvol stratiformi che di vòlt a hinn inscì bass de mudà a la svèlta in scighera. La precipitazion sòlida corrispondenta l’è ciamda nevis'c, nevètta o rabbia de nev. Despèss la piovisna la ven giò al princippi de la primavera e de l’autun, e ben de rar d’estaa ai latitudin de l’Italia. D'invèrna la pò vegnì giò innanz de ‘na nevicada débol, e l'è de quèst che 'l ven el nòmm minga giust de "nevis'c" quand che l'è drovà per indicà la piovisna.