Referendum per l'independenza de la Catalogna del 2017
El Referendum per l'independenza de la Catalogna del 2017, offizialment referendum per l'autodeterminazion, a l'è staa on referendum vincolant votaa el 1 de ottober 2017 voruu de la Generalitat de Catalunya per scernì se trasformà la Catalogna da Comunità Autonoma a Republica sovrana.
Storia
[Modifega | modifica 'l sorgent]
Dopo de la vittoria de Junts pel Sì e de la CUP ai elezion catalan del settember 2015, a l'era ciar l'obietiv de fà on referendum per l'indipendenza, a differenza de quell del 2014, vincolant.
El 26 de ottober 2016 el Parlament de Catalunya 'l approeuva ona resoluzion che la impegna el governo a fà el referendum vincolant.
Dopo de 'na presentazion al Parlament europee el 9 de giugn 2017 a l'è offizializzada la data del referendum e la domanda.
El 28 de agost la maggioranza la presenta la Legg de transitorietà giuridica e de fondazion de la Republega, che la serviss a definì legalment el process independentista, legg che l'è approvada el 8 de settember.
El 6 settember, inveci, a l'è approvada la legg del referendum d'autodeterminazion, che la obbliga a fà el referendum, e 'l President Carles Puigdemont l'ha firmaa el decrett de indizion on para de or dopo insemma a tucc el governo.
Reazion de la Spagna
[Modifega | modifica 'l sorgent]
|
Per savenn pussee, varda l'articol Operazion Anubis. |
El governo spagnoeu del Mariano Rajoy l'è contrari al referendum e a la possibilità che la Catalogna la devegna independenta.
L'ha daa su recors al Tribunal Costituzional, che l'ha fermaa el referendum, ma el governo catalan l'ha deciduu de tirà innanz.
La Guardia Civil l'ha interogaa di personalità ligaa al referendum e l'ha perquisii di stamperij sospettaa de stampà i sched elettorai del referendum.
La Spagna l'ha anca menasciaa de tajà via Internet e l'elettricità per impedì de comunicà i resultaa, e 'l President Puigdemont l'ha responduu "ne regalarànn ona giornada romantica".
El Minister de l'Economia Luis de Guindos l'ha dii che se la Catalogna la sortiss de la Spagna l'avarà on fort impoveriment.
El Procurator General de la Spagna l'ha dii de valutà de menà via el President, senza però decid se fàll prima del votà o dopo.
El 20 de settember la Guardia Civil l'ha faa irruzion in di offizi de la Generalitat, e l'ha menaa via 14 personn, e l'ha menaa a ona forta reazion di autorità e di cittadin catalan.
In del frattemp tucc i sitt ligaa al Referendum in Spagna a hinn staa sequestraa, e quej a l'ester bloccaa. El capo de WikiLeaks Julian Assange l'ha parlaa de on possibil blocch de Internet el di del referendum e l'ha consigliaa ai catalan de installà di applicazion per comunicà senza la Red.
El partii unionista ma per el diritt a decid Podemos l'ha parlaa de presonee politich e l'ha organizzaa di manifestazion in tutta la Spagna contra la repression in Catalogna.
El 23 de settember del 2017 el governo spagnoeu l'ha deciduu de ciappà direttament el controll di Mossos d'Esquadra.
El 29 de settember a hinn staa proibii i sgor privaa sora Barcelona.
Reazion forestee
[Modifega | modifica 'l sorgent]Europa
[Modifega | modifica 'l sorgent]El President de la Commission Europea Jean-Claude Juncker l'ha dii che l'Union europea la respettarà la scerna del popol se 'l vinc el sì, ma che la Catalogna la gh'avarà de andà in l'UE 'me Stat noeuv, anca se el referendum el gh'avaria de vess legal e la Commission l'ha ribadii che l'è on affar interno de la Spagna.
Pussee critich el President del Parlament europee Antonio Tajani, che l'ha dii che i attacch ai Costituzion di Stat member a hinn 'me di attacch a l'Union.
El governo scozzes l'ha regordaa a Rajoy che 'l principi de autodeterminazion a l'è in la Carta di Nazion Unii, donca a favor di catalan.
Anca el governo ongares de Viktor Orban l'ha parlaa in favor del respett del resultaa del referendum.
La Franza l'ha supportaa l'unità de la Spagna e l'ha dii de vorè minga mett el nas in di affar di alter Stat.
L'ex President de la Commission Europea Romano Prodi l'ha invitaa el Stat e la Generalitat a dervì de noeuv i trattativ, convint che ne i gabol del Parlament ne la forza giudiziaria sien la via per resoeulv la question
Italia
[Modifega | modifica 'l sorgent]In Italia la Region Lombardia, in la personna de Gianni Fava, l'ha daa la soa solidarietà a la Catalogna, cont l'auspicàss che tucc i istituzion respetten el diritt a l'autodeterminazion, e anca el President de la Sardegna Francesco Pìgliaru l'ha parlaa in favor del diritt de autodeterminazion di catalan, poeu supportaa del Consili Regional. La Sardegna l'ha anca parpognuu de stampà e guarnà i sched.
El Consili Regional de la Val d'Aosta l'ha approvaa a l'unanimità ona resoluzion in favor de l'autodeterminazion e de l'Europa di Popol.
I President di Region de la Liga Nord han parlaa de 'na pagina negra per la democrazia, e 'l President del Sudtirol Arno Kompatscher l'ha definii inaccettabil i provvediment spagnoeui.
El President de la Basilicada Marcello Pittella l'ha dii che l'Italia la gh'ha de besogn de pussee unità.
America
[Modifega | modifica 'l sorgent]El Dipartiment di Stat di Stat Unii l'ha dii che 'l Paes a l'è pront a collaborà cont i entità che nassarann in del process, anca se 'l President Donald Trump, in d'ona visita cont el Mariano Rajoy, l'ha esprimuu la soa preferenza per l'unità de la Spagna.
El governo canades de Justin Trudeau l'ha recordaa l'importanza de l'autodeterminazion, ma l'ha anca dii de vorè minga fà ingerenza di di affar di alter Stat.
Organizzazion
[Modifega | modifica 'l sorgent]
El quesitt scernuu a l'è:
|
«Vorii che la Catalogna la sia on Stat independent in forma de Republega?»
|
La scheda a l'è reportada in trè lengov: Prima el catalan, poeu el castejan e poeu l'aranes, dialett occitan.
La data del 1 de ottober a l'è stada scernuda el 9 de giugn 2017, e la campagna elettoral la durarà dal 15 al 29 de settember del 2017.
El 29 de settember a hinn staa presentaa i urn del referendum.
Collaborazion di Comun
[Modifega | modifica 'l sorgent]
La pupart di Comun catalan l'ha accettaa de dà i sò spazzi per permett de votà regolarment, anca se i comun a guida PP e PSC s'hinn refudaa: la Val d'Aran l'ha scernuu de collaborà no, per vess imparzial.
La magistratura spagnoeula l'ha deciduu de indagà i sindegh a favor del referendum.
Posizion
[Modifega | modifica 'l sorgent]
Moviment independentista
[Modifega | modifica 'l sorgent]El moviment independentista a l'è reppresentaa de la coalizion che la sostegn el Governo de Carles Puigdemont, ossia la coalizion Junts pel Sì, che i sò member principai a hinn l'Esquerra Republicana de Catalunya e 'l Partit Demòcrata Europeu Català e 'l partii de estrema sinistra Candidatura d'Unitat Popular
Moviment unitarista
[Modifega | modifica 'l sorgent]I moviment per l'unità de la Spagna a hinn per la pupart contrari a fà el referendum e a l'independenza, contraria a la Costituzion spagnoeula, l'è per esempi la posizion del Partido Popular, del Partit dels Socialistes de Catalunya e Ciudadanos.
El partii Podemos a l'è inveci per el diritt a decid e donca a favor del referendum, anca se per l'opzion del no.
Posizion di personagg famos
[Modifega | modifica 'l sorgent]Anca on poo de personagg famos minga politegh han dii la soa in del referendum.
L'ex allenator de la Spagna Vicente del Bosque l'ha parlaa in favor de l'autodeterminazion catalana, anca se l'ha definida ona tragedia sportiva per la Liga del folball.
Rafael Nadal inveci l'ha parlaa contra l'independenza.
Sondagg
[Modifega | modifica 'l sorgent]
I sondagg faa per el referendum han mostraa tipicament on vantagg al sì, anca se in d'ona quaj situazion la s'è vista ona vittoria del no, a fin 2017.
Oltra a la maggioranza, in tra i partii de minoranza pussee independentista a gh'è Podemos, che la mità la votaria sì. Di partii contrari, mità di elettor del PSC e on terz del PP anaran a votà no.
A bon cunt però la pupart di personn a l'è a favor de on referendum vincolant, in Spagna inveci domà el 40% a l'è d'accordi.
El dì prima de la votazion el principal giornal scozzes independentista, The National, l'ha publegaa on sondagg che 'l parla de 'na partecipazion del 62% cont l'83% di sì.
El vot
[Modifega | modifica 'l sorgent]
El s'è votaa di 8:00 ai 20:00 del 1 de ottober. El 30 de settember la Polizia l'ha sigillaa 163 segg in su 1300.
El vot a l'è staa contradistint de forta tension, con gent sarada dent del dì prima per evità el sequester. La polizia spagnoeula l'ha ordinaa de sortì di segg prima di 6:00, e poeu la Guardia Civil l'ha faa irruzion in d'on quaj segg, e l'ha faa di ferii. I Mossos d'Esquadra a hinn intervenuu no contra di elettor, ma domà per garantì la sicurezza di segg e di strad arent.
Per permett a tucc de votà, a l'è staa poeu permiss a tucc i cittadin de votà in tucc i segg organizaa: In tra i segg sequestraa quej del Carles Puigdemont, che l'ha cambiaa segg cont ona manovra sotta on pont che i media han definii "de film poliziesch", e del Oriol Junqueras e de la Carme Forcadell, che han votaa istess.
El vot a l'è staa seguii di osservator internazional, e a hinn staa no relevaa di broeuj significativ, anca se per rempiazzà i segg saraa, circa el 4%, a hinn staa vert di segg in strada.
Repression de la polizia
[Modifega | modifica 'l sorgent]|
|
Per savenn pussee, varda l'articol Crisi costituzional spagnoeula del 2017. |
.jpg)
El Referendum, illegal per la legg spagnoeula, a l'è staa repress di forz de polizia del Stat, ossia el Corp Nazional de Polizia e la Guardia Civil. I Mossos d'Esquadra e i Pomper inveci s'hinn s'ceraa cont i catalan e han defenduu i segg del votà.
La Polizia l'ha provaa ad vegnì dent in d'on poo de segg, e gh'è staa pussee de 800 ferii: On quaj catalan l'ha faa di barrier improvisaa cont i alber o el ruff per fermà i mezz de la Guardia Civil e gh'è staa di attacch cont di sass contra la Polizia. Per la pupart di robb però gh'è stada resistenza pacifica, e i votant del no e del sì han anca manifestaa insemma.
La violenza de la polizia la gh'ha avuu resonanza in di giornai de tutt el mond, e l'ha ricevuu la condanna de la Angela Merkel, del Benoît Hamon, del primm minister del Belgi edi alter amministrator del mond.
Reazion al vot
[Modifega | modifica 'l sorgent]|
|
Per savenn pussee, varda l'articol Sciopero general in Catalogna del 2017. |
La pupart di partii spagnoeui l'ha definii el referendum 'na "farsa": el premier Rajoy l'ha dii che 'l gh'è staa nissun referendum e Ciudadanos l'ha domandaa di noeuv elezion. A Madrid a Puerta del Sol a gh'è staa di manifestazion in favor del referendum.
El governo de la Generalitat l'ha parlaa inveci de on success, e 'l Carles Puigdemont l'ha giraa i resultaa al Parlament per fànn deciarà l'independenza.
La Sindega de Barcelona Ada Colau l'ha domandaa i dimission del Rajoy, insemma al PSOE.
El 3 de ottober a gh'è staa on gran sciopero che l'ha coinvolt in mugg de gent, e anca di squader del folball important.
El midemm dì el Re Filipp VI de Spagna l'ha difenduu l'unità del Stat, attaccaa el governo catalan e speraa che 'l se poeu dervì on dialegh per tegnì unida la Spagna.
On quaj menut prima el Puigdemont l'ha dii che l'obietiv prioritari a l'è l'independenza, e 'l 4 de ottober el Puigdemont in d'on descors istituzional l'ha rengraziaa tucc quej che han manifestaa pacificament e che 'l voraria trovà in dialegh cont la Spagna, ma che Madrid el voeur no.
L'ex President de la Generalitat Artur Mas l'ha deciaraa che la Spagna l'ha giamò perduu la Catalògna, che però a l'è no pronta subit a l'independenza, che la sarà on process longh.
El 8 de ottober a gh'è stada ona manifestazion unitarista a Barcelona, cont gent de tutta la Spagna, che la gh'ha avuu pussee de 300 mila manifestant.
Reazion internazionai
[Modifega | modifica 'l sorgent]La Commission Europea l'ha deciaraa che el Referendum a l'è illegal segond de la legg spagnoeula.
El governo del Quebec l'ha espress ansia per la violenza, che l'ha condanaa, e l'ha invitaa al dialegh.
L'espert di diritt uman de l'ONU Alfred-Maurice de Zayas l'ha deciaraa in sul Twitter che per lu la sentenza de la Cort Internazionala de Giustizia in su la independenza del Kosovo, che l'ha sancii la legalità di Deciarazion Unilaterai, la var anca per la Catalogna.
El President del Consili Europee Donald Tusk l'ha domandaa a Puigdemont de fà no di pass che poden impedì definitivament el dialegh in tra i part.
Resultaa
[Modifega | modifica 'l sorgent]| Vot | % | |
|---|---|---|
| Sì | 2'020'144 | 92,2% |
| No | 176'566 | 7,8% |
| Bianch | 45'585 | |
| Null | 20'129 | |
| Total | 2'364'434 | 100% |
A gh'è staa anca el sequester de 400 urn de part de la Guardia Civil, che reppresentaven 770'000 elettor.
Conseguenz
[Modifega | modifica 'l sorgent]|
|
Per savenn pussee, varda l'articol Deciarazion d'independenza de la Catalogna. |
El 10 de ottober el President Puigdemont l'ha parlaa denanz al Parlament de Catalogna ai or 19:00, dopo de 'na reunion di capigrupp, e l'ha domandaa al Parlament de sospend la Legg in su Referendum per permett el dialegh cont Madrid, ma l'ha anca ciappaa el mandaa popolar de trasformà la Catalogna in d'on Stat independent in forma de republega.
Pocch dopo i 72 Deputaa sovranista han firmaa ona simbolica deciarazion de independenza.
Reazion a la deciarazion
[Modifega | modifica 'l sorgent]El governo spagnoeu del Mariano Rajoy l'ha domandaa al governo catalan se han deciaraa debon l'independenza, per podè attivà l'articol 155 de la Costituzion de la Spagna, che 'l permett de sospend l'autonomia de 'na Comunità Autonoma.
El 16 de ottober Puigdemont l'ha responduu senza dì se effettivament l'ha deciaraa o no l'independenza, ma cont l'offrì alter du mes per negozià e resoeulv el conflitt.
I mediator internazionai, comé l'Union europea, han parlaa de 'na situazion gramma indova la Spagna la voeur minga negozià.
El Parlament de la Slovenia l'ha defenduu el diritt a l'autodeterminazion di catalan.
El 18 de ottober i partii catalanista han ciarii che se l'articol 155 sarà applicaa la deciarazion la sarà pu sospenduda.
Menaa via
[Modifega | modifica 'l sorgent]El 16 de ottober l'Audiencia Nacional l'ha faa 'n odienza per decid in su la detenzion di accusaa de sedizion: l'ha regettaa la richiesta de mandà in preson el capo di Mossos Josep Lluís Trapero, però a l'è sottapost a sequester del passaport, proibizion de sortì de la Spagna e a obbligh de firma ogni 15 di, inveci i leader di organizzazion independentista ANC e Òminum Jordi Sànchez e Jordi Cuixart hinn staa mandaa in preson.
L'organizzazion Amnesty International l'ha domandaa la liberazion di presonee.
El 2 de november a hinn staa menaa via i member del governo catalan in Catalogna, inveci per quej a Bruxelles, inclus Puigdemont, l'è staa parpognuu on mandaa de arrest, emanaa poeu el 3.
El 9 de november la Presidenta del Parlament Carme Forcadell l'è stada mandada in preson dal Tribunal Suprem Spagnoeu cont ona cauzion de 150'000€, pagada el di dopo.
El 11 de november a gh'è stada 'na manifestazion cont pussee de 750'000 personn per domandà la liberazion di "presonee politich".
El 4 de dicember ses consiliee a hinn staa relassaa cont ona cauzion de 100'000€, e 'l di dopo l'è staa retiraa el mandaa de arrest per i consiliee a l'estero.
Sospension de l'autonomia
[Modifega | modifica 'l sorgent]|
|
Per savenn pussee, varda l'articol Articol 155 de la Costituzion de la Spagna. |
El 21 de ottober el governo de Mariano Rajoy l'ha offizializzaa la domanda al Senad de la Spagna per sospend parzialment l'autonomia catalana, ossia cont el fà borlà el governo, ma minga el Parlament, e votà dent de ses mes, oltra al controll dirett di media catalan. Anonymous l'ha responduu cont di fort attacch contra di sitt governativ spagnoeui.
La sira el President Puigdemont l'ha domandaa al Parlament 'n assemblea plenaria per decid comé reagì ai decision de la Spagna, de lu ciamaa "Colp de Stat". Squasi 500'000 personn han manifestaa a Barcelona contra de la sospension.
El 27 de ottober, in contemporanea cont la proclamazion d'independenza, a l'è approvaa l'articol e cavaa via el governo catalan e 'l maggior di Mossos d'Esquadra Trapero, inveci a l'è stada guarnada l'autonomia di media.
El governo l'ha suttaa a resist, inveci Trapero l'ha accettaa la destituzion, e i Mossos han cavaa via i foto de Puigdemont di caserm.
'Me commissaria a l'è stada scernuda la Soraya Sáenz de Santamaría, vicepresidenta del Governo de la Spagna.
La TV3 l'ha suttaa a definì el Puigdemont "President de la Generalitat de Catalunya", e 'l governo spagnoeu l'ha faa ona lamentela offiziala.
Sciopero de november
[Modifega | modifica 'l sorgent]El 8 de november, per protestà contra l'articol 155 e i arest, la pupart di sindacaa catalan l'ha tolt part a 'n sciopero general, e i manifestazion ligaa han bloccaa on bel poo de strad de la Catalogna, di stazion de l'Alta Velocidad Española e di Rodalies.
El slontanament de Puigdemont
[Modifega | modifica 'l sorgent]El 30 de ottober Puigdemont a l'è andaa, insemma a di alter consiliee, a Bruxelles, per parlà cont di nazionalista vallon, dopo di vos che 'l Belgi el voreva dànn l'asil politich.
Anca se i vos in su l'asil s'hinn revelaa fals a Bruxelles el Puigdemont l'ha dii che 'l restarà lì fino a di garanzij de 'vègh on process giust e l'ha dii che i elezion convocaa de la Spagna hinn on moment per rafforzà la Republica e combatt el 155.
La Spagna inizialment l'ha domandaa l'estradizion, domanda poeu retirada per pagura che 'l Belgi el limitass la capacità de indagà domà al riatt minor de malversazion, senza rebellion, che l'è 'n riatt different per la legg belga.
El 7 de dicember Puigdemont l'è staa raggiunt de 'na manifestazion independentista che la condannava el support europee a la Spagna e che l'ha vist 60'000 partecipant.
L'independenza
[Modifega | modifica 'l sorgent].jpg)
El 27 de ottober 2017 ai or 15:30 circa, in respoeusta a l'applicazion de l'articol 155, el Parlament de Catalogna, con 70 vot a favor, 10 contrari e 2 in bianch la deciaraa offizialment l'independenza.
In l'immediaa la Franza, el Regn Unii e la Germania han nonziaa de recognoss no la Republega, inveci di vertur a hinn rivaa de la Slovenia, de la Finlandia e de la Scozia.
Riferiment
[Modifega | modifica 'l sorgent]- El 'sí' ganará con un 72% y un 50% de participación si se celebra el referéndum
- L’1-O arrenca amb una participació del 64% i amb avantatge del 'sí'
- Referéndum: apoyo del 71,9% en Catalunya y rechazo del 61,5% en el resto de España
- La pressió de l’Estat no fa perdre suports a l’1-O ni a la independència
- REFERÈNDUM Polítics aranesos es mobilitzen per donar suport al referèndum de l'1-O Arqiviad qé: [1]
- Puigdemont anuncia para el 1 de octubre el referéndum sobre la independencia
- Catalogna: perquisizioni Guardia Civil a caccia schede
- Parliament approves calling a referendum with or without Spain’s consent
- Spanish Government rejects Puigdemont’s proposal to hold a binding referendum
- Catalan Referendum on Independence 'Not Possible' Says Spain PM
- Independent Catalonia would need to apply to join EU: Juncker
- Spagna: Tajani su referendum Catalogna, "qualsiasi azione contro la Costituzione è un'azione contro l’Ue"
- Els EUA diuen públicament que ‘treballaran amb l’entitat o govern que surti’ del referèndum català
- Puigdemont, si cortan la luz de los colegios el 1-O: "Nos regalarán una jornada romántica"
- El govern escocès adverteix Rajoy que són els catalans qui ha de decidir el seu futur
- Spain warns Catalonia faces 'brutal' impoverishment if it leaves Arqiviad qé: [2]
- Spain’s Attorney General says he would consider arresting Catalan president Arqiviad qé: [3]
- Hungary to ‘respect’ will of people in Catalonia vote
- El Govern aranès no cedirà cap espai institucional per al referèndum de l'1-O Arqiviad qé: [4]
- L'appello di Prodi, Fassino e Bobo Craxi per la riapertura del dialogo tra Stato Spagnolo e Generalitat Catalana
- Catalogna, Madrid manda la Guardia Civil negli uffici del governo: 14 arresti. Proteste in strada
- CATALOGNA: FAVA “REGIONE LOMBARDIA VICINA E SOLIDALE
- Trudeau: "El derecho a la autodeterminación de los pueblos es importante"
- Catalogna: solidarietà Consiglio sardo
- Podemos avisa de las consecuencias impredecibles de "represión" en Cataluña
- Indignación en Podemos: Iglesias habla de "presos políticos" y llama a protestar en Sol
- Catalogna, lʼUe si schiera con Madrid: "No al referendum indipendentista"
- Catalogna: "stoccare schede in Sardegna"
- Catalogna, Consiglio Valle: "tentativo senza precedenti di fermare percorso di libertà"
- Crisi Catalogna: Pittella, Kompatscher, Pigliaru, Zaia e Maroni Arqiviad qé: [5]
- Referendum Catalogna, Madrid "commissaria" anche i Mossos. Barcellona: "Intollerabile"
- 'I'll protect Catalonia from censorship' Assange wades into Spain independence fight
- Trump, sobre l’1-O: ‘Rajoy dirà que no votaran, però crec que la gent s’hi oposarà’
- Il governo catalano ha presentato le urne per il referendum sull’indipendenza, che stava cercando la polizia spagnola
- Vietati i voli privati su Barcellona
- Catalogna: occupati 163 seggi su 1300, ecco le strategie per votare lo stesso
- 62% de participació i 83% a favor del 'sí': l'enquesta del diari escocès 'The National'
- Tots els ciutadans podran votar en qualsevol dels col·legis de l’1-O
- La policia espanyola assalta els col·legis de Puigdemont, Forcadell i Junqueras
- Bèlgica condemna la violència de la policia espanyola a Catalunya
- Merkel truca a Rajoy demanant explicacions per la repressió policial a Catalunya
- La repressió policial causa 761 ferits, un dels quals lesionat en un ull per una pilota de goma
- Policia i Guardia Civil utilitzen la força per impedir el referèndum
- Referendum - En directe
- El president de Catalunya demana al parlament la proclamació de la independència
- Rajoy, il referendum una sceneggiata
- "Rajoy si dimetta, si è oltrepassato il limite"
- El Govern, determinat a declarar la República
- El govern anuncia una victòria del sí amb un 90% i 2.262.424 vots
- La jugada de Puigdemont per esquivar la vigilància de la Guàrdia Civil
- Catalogna, la Commissione Ue: "Il referendum è illegale"
- RE FELIPE: AUTORITÀ CATALANE SLEALI, LA CORONA GARANTIRÀ L'UNITÀ DELLA SPAGNA
- La Catalogna si ferma per lo sciopero generale: centinaia di migliaia in piazza
- Catalonia will declare independence from Spain in a matter of days, the leader of the autonomous region has told the BBC.
- Québec dénonce la violence espagnole et demande une médiation internationale
- Puigdemont respon al rei espanyol cridant al diàleg i la mediació
- Alfred de Zayas on Twitter
- Milers de manifestants es concentren a Barcelona contra la independència
- L’ex presidente catalano, indipendentista, ha detto che la Catalogna non è pronta per un’«indipendenza reale»
- Tusk demana a Puigdemont que no declari la independencia
- Puigdemont declara la independència però en suspèn l’efecte per a poder negociar
- Els setanta-dos diputats sobiranistes signen la declaració d’independència
- El parlament d’Eslovènia defensa el dret d’autodeterminació en un debat sobre Catalunya
- Juncker diu que la UE no pot fer de mitjancera perquè només una de les dues parts ho demana
- Reunions de Puigdemont al Palau de la Generalitat per a preparar la resposta a Rajoy
- Puigdemont respon a Rajoy que aturi la repressió i li dóna dos mesos per a negociar
- Trapero queda en llibertat però se li retira el passaport i ha d'estar localitzable
- Cuixart i Sànchez, presos polítics a l’Europa del 2017 per una mobilització pacífica
- Amnistia Internacional demana que es posi fi ‘immediatament’ a l’empresonament de Sànchez i Cuixart
- Puigdemont aixecarà la suspensió de la declaració d’independència si Rajoy aplica el 155
- Anonymous fa caure la web del Tribunal Constitucional i anuncia una sèrie de ciberatacs en defensa de Catalunya
- El 155: cessament del govern en ple i eleccions
- 450,000 people gather in protest in the heart of Barcelona
- Missatge institucional del president de la Generalitat, Carles Puigdemont
- Catalogna: l'amarezza di Nadal
- Del Bosque defiende el derecho a decidir de Catalunya
- Proclamada la República Catalana
- Alemanya, el Regne Unit i França no reconeixen la República, Bèlgica apel·la al dret internacional i els socialdemòcrates eslovens ho celebren
- El Parlament declara la República catalana com a Estat independent i sobirà
- Trapero accepta la destitució i s’acomiada del cos
- Rajoy alla guida del governo. Puigdemont: «No alla forza ma ci opponiamo all’art. 155»
- Les comissaries dels Mossos d'Esquadra retiren els retrats oficials del Govern
- TV3 presenta a Puigdemont como "president de la Generalitat" y el Gobierno presenta una queja
- Puigdemont compareixerà demà des de Brussel·les acompanyat de diversos consellers
- El president Puigdemont fa una crida des de Brussel·les a utilizar el 21-D per consolidar la República i combatre el 155
- L’estat espanyol envia a la presó Junqueras i mig govern de Catalunya
- La jutgessa ordena la detenció del president Puigdemont i dels quatre consellers que són a Bèlgica
- En directe: Desenes de talls col·lapsen el Principat i bloquen els punts fronterers
- En directe: Concentracions a tot el Principat per l’alliberament dels presos polítics
- L’estació de l’AVE a Girona, ocupada per milers de manifestants que desborden la policia
- El jutge envia Carme Forcadell a la presó i li imposa una fiança de 150.000 euros
- Carme Forcadell ja és en llibertat
- En directe: Més de tres quilòmetres de manifestació per la llibertat dels presos polítics
- El Suprem retira la petició d’extradició de Puigdemont i els consellers perquè la justícia belga no li limiti les acusacions
- 4-Dec-17 TV News: 'Four Catalan leaders still in prison, six released on bail'
- Spain has withdrawn the arrest warrant out of fear, Puigdemont says
- 45,000 people attend demonstration in Brussels, according to Belgian police figures
- Spanish court withdraws arrest warrant for ousted Catalan leader
- La policia federal belga xifra en 60.000 els assistents a la manifestació
Vos correlaa
[Modifega | modifica 'l sorgent]- Referendum in su l'Independenza de la Catalogna del 2014
- Elezion del Parlament de Catalogna del 2017
Ligamm de foeura
[Modifega | modifica 'l sorgent]
- Referendum per l'independenza de la Catalogna del 2017 (EN) (CA) (ES)
- Catalonia Votes (EN) (DE) (ES) (FR)