Driver (Golf)

Quest articol chi a l'è in grafia del Ducat Semplifegada La grafia doperada a l'è no acetada in su la Wikipedia. Met l'articol in Grafia del Ducat o in d'un oltra grafia.

Ol Driver (pr. dràaivër; de spès ciamàt dóma Drive) in del zöch del Gòlf l'è ü di lègn. I lègn i è chèle mase che i gh'à öna crapa facia da öna bòcia 'mpò schisada sura e sóta e teàda de öna banda, pròpe 'ndóe la gh'à de picaga dét in de la balina. I lègn i è nümeràcc da l'ü al sèt e si a dóvra per tirà ol prim cólp dal Tee de partènsa, ma spècie chèi che i è nümercc dal trì al sèt s' pöl dovrài pò dal Fairway.

Ol Driver, che l'è 'l lègn ü, se l' dóvra dóma dal Tee de partensa e la sò crapa, compàgn de chèla de töcc i óter lègn, l'è facia de metàl, ma i è amò cimaàcc lègn desà che fina a 20 agn fà i gh'éra la crapa facia pròpe de lègn.

Ol Driver l'è 'l lègn che l'gh'à la crapa piö gròsa de töcc (fina a 460 cc) e la banda teàda, che la ghe pica dét a la balina, l'è quase drécia desà che l'è inclinada dóma de 10 - 15 gradi e pròpe per chèsto l'è ü bastù malfà de dovrà.

Col Driver ü zogadùr profesionista 'l pöl fà fina a 300 e piö méter, mèntre ü diletànt che l' zöga bé 'l pöl rià a 240 - 250 méter, pròpe per chèsto ol Driver se l' dóvra dóma dal Tee di büse piö lónghe (Par 4 e 5).