Carnagh

Carnagh (pernonzia local: [kar'nɑ:k]; italian: Carnago) l'è on comun de la Provincia de Vares che 'l cunta 6 630 abitant (dato del Desember 2015^[1]), cont ona superfiss de 6,2 km² e 'na densità de 1 069 ab./km²..
Carnagh la se troeuva tra l'Arnetta e l'Olòna e l'è bagnada di torrent Tenor e Riaa. El paes, situaa in del Sever e in del Alt Milanes el gh'ha anca ona frazion, ciamada Rovaa.
A Carnagh se troeuva anca Milanello, el center sportiv del Milan.

Stòria

El par che l'etimologia del nòmm Carnagh la vegna de la tribù celtiga di Carnut, che viveven in quella zòna. Ona quai font che a vòlt la finiss in de la leggenda la dis che tutt el Sever el sia staa fidaa del re longobard Autar ai sò parent Martignon, Cont e Ross, che avarien daa el nòmm sò de lor a famili che esisten ancamò incoeu.
Duranta el Medioev Carnagh l'ha faa part del Contad del Sever, anca se in del 1650 la s'è renduda indipendenta perchè la comunità del loeugh l'ha compraa i terr, vist che quei là eren restaa senza eredi dòpo la mòrt del nòbil Francesch Maria Carnagh.
Del pont de vista religios, Carnagh l'ha faa part de la Piev de Castell Sever, ma in del 1582 el Carlo Borromee l'ha spostaa la sede pròppi a Carnagh.
In del 1928 Carnagh l'ha ciappaa duu vegg comun come frazion, var a dì Rovaa e Castell Sever. Domà Castell l'è tornaa on comun deperlù, in del 1947.

Evoluzion demografega

L'andament del numer di abitant del comun de Carnògh l'è mostraa in la tabella chi de sotta

Abitant censid

Riferiment

↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.

[1] Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.

[1]