Cafè filter
|
Quest articol chì l'è scrivud in lombard, con la Noeuva Ortografia Lombarda |
_coffee.jpg)
El cafè filter a l'è una manera de fà el cafè indova che se fa passà l'aqua colda in su del cafè mansad mitud sora de 'n filter e se regoeuj el resultad in d'un biccer, in d'una chichera o in d'una carafa. 'Sto sistema chi de fà el cafè a l'è propi spantegad in Europa central, in Asia e in America.
El sistema moderno cont el filter de carta a l'è stad inventad in Germania al principi di agn 1900, e in del 1954, semper in Germania, a l'è stada brevetada la prima machina de cafè automatega a filter, che l'ha sostituid el percolator del cafè indova che l'era doperad. A segonda del material del filter, se po otegnì un cafè pu o manch rich de oeuli e de savor.
A bon cunt anca la cogoma, 'na popolar cafetera prima del rivà de la moka, la fonzionava a travers de 'n principi compagn.