Borðoy

Quest articol chì l'è scrivud in lombard, con la Noeuva Ortografia Lombarda

Borðoy a l'è un'isola de la Danimarca in del nord-est di Faroe. La gh'ha una superfis de 94,5 km². A l'è la pussee orientala di grand isole de l'arcipelagh. In su l'isola la gh'è anca Klaksvík, la segonda cità pussee granda de l'intregh arcipelagh.

L'isola a l'è spartida in vot villagg: Klaksvík, Norðoyri, Ánir, Árnafjørður, Strond, Norðtoftir, Depil e Norðdepil. De sorapu a gh'inn tri villagg bandonad: Skálatoftir, Múli e Fossá, tucc in de la part setentrionala de l'isola.

Múli a l'è stad vun di pussee remot insediament un di isole Faroe, de fad gh'era nissun ligamam in fina al 1989: prima i merci gh'haveven de vesser portade o con l'elicoter o in barca. El villaggi l'è restad disabitad del 1994.

Un musee de Klaksvík l'ha crompad l'intrega area de Fossá in del 1969 con l'intenzion de trasformàlla in d'un tipegh borgh mediveal faroes, 'me fin turistegh: el proget el s'è però minga concretizad.

I ponte nord e sud-est de l'isola inn stade identifegade 'me un'area importanta per la conservazzion di usei del BirdLife International per l'importanza del sit per la riproduzzion di usei del mar, soratut usei di tempeste europee (250 cobie) e urie negher (200 cobie).^[1]

1. ↑ BirdLife International. (2012). Important Bird Areas factsheet: Bordoy. Downloaded from Archived copy. Archived from the original on 2007-07-10. Recuveraa el 2013-11-13. on 2012-02-22.