Ampere
|
Quest articol chì l'è scrivud in lombard, con la Noeuva Ortografia Lombarda |
L'ampere (di voeulte scrivud anca amper, simbol A, breviad anca amp, soratut in eletronega) a l'è l'unità de misura part del Sistema Internazzional che la mesura l'intensità de correnta. La ciapa el nom de l'André-Marie Ampère, vun di studios pussee important de l'eletro-magnetism.
Desgià che l'è vuna di set unità fondamentai del Sistema Internazzional, tucc i alter unità de mesura de l'eletricità deriven de l'ampere.
Del 2019 a l'è definida in reson de alter grandeze fiseghe e un ampere el val 'me 'l passà de circa 6*1018 careghe elementar, o ben la carega de 'n eletron al valor assolud, al segond, menter prima l'era definida fisicament 'me l'intensità de correnta che, se tegnuda in du condutor linear parallel, longh infinid e cont una sezzion trascurabel, mitud a un meter de distanza in del voeud, el crea in tra de lor una forza pari a 2*10-7 newton per meter de longheza.