Cirrostrato

Quest articol chì l'è scrivuu in lombard, grafia milanesa.

On cirrostrato (in latin cirrostratus, scurtàa con Cs) a l’è ‘na nivola de l'istèssa natura di cirri, ma fada su d’on vèll continuv, trasparent, che ‘l quatta del tutt o in part el ciél.

El sò spessór è molto limitàa e ‘l sò color a l’è de nòrma biancaster; di vòlt a l’è possibil vedènn ‘na trama fibrósa. In del caso che ‘l spessor el sia ridòtt a ‘n vèll e la quattadura la sia spantegada in tutt el ciél visìbel, el cirrostrato el risulta difficil de vèss distint, de già che l’indebolìss domà el color azzur del ciel in del cors del dì o el fa vegnì el ciel lattós de nòtt. In quèll caso chì se pò anca parlà de vèll. El cirrostrato el ciapa di color cangiant che vann del giald al ross, a l’alba e on poo prima e l’istèss al calà del sol.

El cirrostrato l’è fàa su de cristaj de giazz ad on'altèzza comprésa tra 6000 e 12000 m. A l’è despèss compagnàa di alter nivol stratiform compagn di altostrati ai latitudin de mèzz e di nembostrati e i strati de bassa altèzza.

La formazion d’on cirrostrato la pò succed per condensa e de lì adrée cristallizzion del vapor che ‘l vegn di strat giò de bass de l’atmosfera oppùr de l’estension progressiva di cirri ‘me ‘l Cirrus fibratus in condizion de vent debol; in quèst caso chì la formazión del cirrostrato a l’è caosada d’on front che ‘l ven innanz. Al cirrostrato a ghe associada nissuna precipitazion.

Quèll gener de nivola chì la gh’hà domà dò speci, scrivùd chichinscì con de fianch la soa abbreviadura:

• Cirrostratus fibratus (Cs fib)
• Cirrostratus nebulosus (Cs neb)

• Cirrostratus duplicatus (Cs du)
• Cirrostratus undulatus (Cs un)

Despèss el cirrostrato a l’è compagnàa, in presenza del Sol o de la Luna, de on serc e, pussée rarament, de fenòmen òttich associàa a cheeschì.

• Salvatore Abate, Lezioni di meteorologia generale, 2, Napoli, Liguori editore, 1986. 978-88-08-07315-0
• (EN) Cloud Atlas → Cirrus. URL consultad in data 15 agosto 2014. (arqiviad de l'url orijenal in data 3 novembre 2013)
• Brian Choo, Enciclopedia della Terra per ragazzi, Milano, Areagroup, 2008.

• Nivola
• Cirro
• Strato