Cirrostrato

Os cirrostratos (en latín cirrostratus) son un chenero de nubles que son composadas, principalment, de cristals de chelo y que presentan a sobén l'aspecto dito como fenomeno optico d'halo. Gosan presentar-se como una especie de velos blanquencos fibrosos, a vegadas cubrindo tot o cielo u a vegadas no cubrindo-lo que en part. Son nubles altas: 6 u 12 km d'altaria.

Os cirrostratos se comparan con atras nubles de tipo estratos que se forman en altituz mes baixas: os altostratos, os nimbostratos, y os estratos mes baixos. Os cirrostratos anuncian plevias que gosan amaneixer arredol de 12 horas dimpúés d'a suya presencia.

En l'aragonés d'o Viello Sobrarbe se documenta cillo con o significau de formación de nubles que anuncia tronada.^[1]. D'acuerdo con Chesús de Mostolay en o suyo diccionario de l'aragonés d'o Semontano de Balbastro uno d'os significaus de cillo ye cirroestrato, y son faixas de nubles a sol ponient que indican día nuble u de plevia o día vinient si o cillo no ye claro. Curiosament unatro significau de cillo en ixe diccionario ye halo u aureola. A palabra "cillo" tamién se documenta en Torrociella d'Alcanyiz y as comarcas churras como cejo y puede anunciar nieu. Talment os "cillos" correspondan especialment a la especie nebulosus dentro d'o chenero de nubles cirroestrato. A especie nebulosus se presenta en os cheneros cirrostrato y estrato y se caracteriza por tener o aspecto de velo boirenco sin presentar detalles aparents.

• 
  Cirrostrato
• 
  Cirrostratus undulatus
• 
  Cirrostratus curious
• 
  Cirrostratos luengos con Cirrus undulatus
• 
  Cirrostratus nebulosus con halo
• 
  Cirrostrato startiformis
• 
  Cirrostrato en alto, cirro en o meyo y cirrocumulos de chos
• 
  Cirrostratus stratiformis baixo os 45°, CH = 5

• Se veigan as imáchens de Commons sobre os cirrostratos.
• Biblioteca Dichital Nacional de Sciencias Cirrostratus