Zuid-Egeïsche Eilen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Zuid-Egeïsche Eilen (Grieks: Νότιο Αιγαίο, Notio Ejeo) is 'n periferie (vergeliekbaar mèt de regio's in Fraankriek) en 'n eilengróp in Griekeland.

De Zuid-Egeïsche Eilen höbbe 'n oppervlak vaan 5.286 km². 't Ligk tösse Turkije en Griekeland in. De laank oetgestrèkde Griekse kös vaan 't vasland dat tegeneuver de Zuid-Egeïsche Eilen ligk bevind ziech in de periferieë Attika en Centraol-Griekeland. Ouch ligke neve bepaolde Zuid-Egeïsche Eilen get Centraol-Griekse eilen, ten noorde de Noord-Egeïsche Eilen en ten zuie 't bekinde eiland Kreta. Vergeleke mèt Kreta en aander Egeïsche en Ionische Eilen is dees eilandgróp väöl minder populair.

De Zuid-Egeïsche Eilen bestoon oet mer leefs zeventien (dèks onofficieel) eilen. De zeve bekinste eilen zien:

• Kos
• Rodos
• Delos
• Mikonos
• Naxos
• Santorini
• Siros

Aandere zien:

• Karpathos
• Kasos (polletiek 'n deil vaan Karpathos)
• Megisti
• Tilos

Volges de census vaan 2011 höbbe de Zuid-Egeïsche Eilen 'n inwoenertal vaan 308.975, en 'n deechde vaan 58/km². De bevolking vaan de eilen bleef de aofgeloupe jaor constant. 't Groetste deil vaan de bevolking woent op ein vaan de zès groete eilen. De hoofstad is Hermoupolis.

Tot 2011 had de regio mer twie departeminte, die de rol vervölde vaan prefecture (nomos):

• de Cyclade
• de Dodekanesos

Nao 2011 woorte de Griekse departeminte regionale einhede, wat beteikende tot ze hun polletieke functie verlore. Noe gief 't väöl mie departeminte in de regio, naomelek 11.

Periferieë in Griekeland
Periferieë: Attika · Centraol-Griekeland · Centraol-Macedonië · Kreta · Oos-Macedonië en Thracië · Epirus · Ionische Eilen · Noord-Egeïsche Eilen · Peloponnesos · Zuid-Egeïsche Eilen · Thessalië · Wes-Griekeland · Wes-Macedonië