Vietsj

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

'ne Vietsj, vitsj, viets of vits ies e sjtök vlechhout, dat gebruuk woort in de vakwerkboew. 't Zint de rechopsjtaonde sjtökker hout van ca 4 cm breid, die tösje 't balkwerk van e vak woorte geklemp, op zoan 30-40 cm oetrein. Daodoorheen vloch me de wietsje. Dat woort 't riejwerk geneump. Rieje beteikent vlechte, vergeliek 't woord riejsjtartel. Tösje 't riejwerk woort daonao leimpratsj geklaend en daonao gladgesjtreke.

Van oarsjprong zou 't woord 'n aafleiing zin van wiej (wilg). 't Werkwoord vitsen (MND) beteikent: mèt tiène vlechte. De wietsj ies 'ne tièn van de wiejeboum.

Emes dae good koes vietsje, mèt de vietsje en de wietsje, woort 'ne vietsjelaer geneump. Later weurt 't gezag tege emes dae hièl hendig ies.