Veluwe

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Veluwe is 'nen euverwaegendje bebósdje landjstreek inne Nederlandjse provincie Gelderlandj en e veurmaolig keteer van 't hertogdóm Gelder.

De Veluwe mètj óngevieër 1000 km². E gebied mit 'n oppervlakdje van 91.200 hektaar is aangemirk es Natura 2000-gebied.

Kloksgewies vanaaf de stad Hattem in 't naorde wuuertj 't gebied roewewaeg begrens door Apeldoorn, Dieren, Arnheim, Wageningen, Ede, Barneveld en Harderwijk.

Groeate deiler vanne Veluw bestaon oet stoewwel oete Saale-iestied. t'n Naorde van Rheden, in 't Nationaal Park Veluwezoom ligk bie 't Rozendaalsche veld 't Signaal Imbosch, 't hoeagste puntj vanne Veluwe op 110 maeter huuegdje. Dit d'n hoeagste stoewwal van Nederlandj en 't hoeagste puntj van Nederlandj boete Zuud-Limbörg. In 't naorde ligken ónger anger 't stuufzandjgebied Leuvenhorst en 't Leuvenumse Bos; t'r huuegdje van Apeldoorn bevindj zich Kroondomein Het Loo, det mit 10.400 hektaar 't grótste landjgood van Nederlandj is. t'n Ónrechte wuuertj de Veluwe sómtieds geliekgestaldj mit Nationaal Park De Hoge Veluw det minder es ei twintjigste deil daovan oetmaak.