Rhein-Kreis Neuss

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Rhein-Kreis Neuss is 'ne krink (Kreis) in 't weste vaan Noordrien-Wesfale (Duutsland). Dit Rienlands distrik ligk in 't Regierungsbezirk Düsseldorf, de hoofplaots (de stad mèt de Verwaltungssitz) is Neuss. Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 576,52 km², 'n inwoenertal vaan 440.602 en 'n bevolkingsdeechte vaan 764 de veerkante km (volgens de census op 13 dec 2013). Edere Noordriens-Wesfaalse krink weurt geriegierd door 'ne landraod (Landrat) in de hoofplaots. In 't zuie vaan Rhein-Kreis Neuss weurt 'n dialek gesproke dat päör taolkóndeg gezeen behuurt bis 't Limbörgs umtot 't ziech nog zjus bove de make-mache linie gief, dewijl 't zuie d'r zjus oonder ligk en daomèt linguïstisch gezeen Ripuarisch is. Evels zien de dialekte in dizze krink in zoeväöl maote beïnvloojd door 't Ripuarisch Kölsj (inclusief 't lokaol hoofdialek vaan Dusseldörp), tot 'ne Ripuarischtaolege ziech beter verstaonbaar hei kin make es iemes dee allein Limbörgs praot. Ouch zulle de lui vaan dit distrik hun dialek zelf noets Limbörgs neume, soms Ripuarisch mer meistens gewoen "Platt". De in 1975 opgeriechte Kreis had in de aofgelaope haaf iew 'n steigend demografisch oontwikkeling. Zoe had 't in 1975 399.704 inwoeners, in 1980 412.526 en gief 't dao allewijl (2013) 440.602 lui.