Mier (plantj)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Mier (Letien: Stellaria) is e geslech van kroedechtige plantje oete anjerfemielje (Caryophyllaceae). 't Geslech kump werreldwied veur mut zoea 175 saorte. De meiste saorte höbbe vief kelkblajer en vieftalige, witte kroeanblajer, die deep oetgesneje zeen (döks gans vrie). Ze höbbe meistes minder es èllef maeldräöj.

De botanische naam "Stellaria" is aafgelèdj gewaore van 't Letiens stella en mèntj "klein ster", verwiezendj nao de bloomvorm. De etymologie vanne Limbörgse naam geit trögk op 't Oergermaans *meur- of *mīr-, meh wiejer is de etymologie ónbekèndj. Gezeen 't meiningsveldj "inheimsje flora" enne bepirkdje geografische spreijing is 't mesjiens e substraotwaord.^[1]

Mier wuuertj gebroek es waardplantj door lerf van sómmige sjöbvläögelige, wie de grieze stipspanner (Idaea aversata).

In Nederlandj en op 't Belsj kómme de volgendje saorte veur:

• Bósmier (Stellaria nemorum)
• Duunvogelmier (Stellaria pallida)
• Graasmier (Stellaria graminea)
• Groeat mier (Stellaria holostea)
• Hègkevogelmier (Stellaria neglecta)
• Vogelmier (Stellaria media)
• Watermier (Stellaria aquatica)
• Zieëgruuen mier (Stellaria palustris)
• Zómpmier (Stellaria uliginosa)

• Riek: Plantae (plantje)
  • Stam: Embryophyta (landjplantje)
    • Klas: Spermatopsida (zaodplantje)
      • Klaad: bedèkzäöjige
        • Klaad: nuuj twieëzaodlobbige
          • Klaad: geavanceerdje twieëzaodlobbige
            • Orde: Caryophyllales
              • Femielje: Caryophyllaceae (anjerfemielje)

1. ↑ Etymologiebank.nl