Maasgotiek

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

De Maasgotiek ies de naam veur 'ne regionale boewsjtiel, dae veural in 't Maasland, in en rónd Luuk en Tóngere, in Belsj Limburg en Nederlands Limburg in de periode van de gotiek (13e, 14e en 15e ièw) woort toegepas.

Binne de Maaslandse sjtiel volg nao de maasgotiek de Maaslandse renaissance (16e en 17e ièw) en de Maaslandse barok (18e ièw) es boewfenomeem in diet gebeed.

Gotische sjtielkènmerke were gemix mèt Romaanse vesjiensele. Aan dae Romaanse sjtiel doon dinke: de gesjlotenheid, de gering huègde van 't geboew in tegsjtèlling tot de echte gotiek, meh waal miè de breie opzat van de hoofbeuk; sjtómpe sjpietsbäög die sóms de hauve cirkel benadere. De hoofingank ies verlag nao de noordelike lange kant van 't geboew in 'ne hook van 't sjeep en transept zoa es in Meersje en in Thorn. De Sint Jan en de Kruushière in Mesjtreech höbbe de ingank in de veurlètste noordelike ziebeuk. De St.Mathias haet de ingank onder de tore.

't Boewmateriaal besjteit dèks oet mergel en helsjtein oet Name.

Typische maaskapitele bevinge ziech op de zule in 't sjeep. 't Kapiteel ies hokig, massief en nao ondere toe rónd, mèt vertikaal, gesjtyleerde blaar, oetgekap in wiènig reliëf. Meistal oetgeveurd in helsjtein en dèks gepolychromeerd.

Umdat d'r geine koarumgank ies, koeste hoag sjlanke vènstere geplaats were tösje de wied oetsjtaonde sjteunbaere.

• Pauluskathedraal in Luuk oet de 13e ièw
• Koar in 't 13e ièws kèrkske van Herkenbosch
• Koar van 't kèrkske van Wessem
• Veurmalige Dominicanerkèrk in Mesjtreech (13e ièw)
• Veurmalige Franciscanerkèrk (archief) oet de 14e ièw, mèt 15e ièws koar en maaskapitele
• Kèrk van Meersje
• Kèrk in Thorn
• Petruskèrk in Zittert
• De St.Jan, Mathias en de Kruushière in Mesjtreech.
• Kathedraal van Remung
• Martinuskèrk in Venlo
• Petrus-Banden in Venroj
• Nerotere, Lambertuskèrk
• Sjeep kèrk, Moelinge
• Sint-Brigida kèrk, Norbik