Lendelede

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Lendelede mèt aongrenzende (deil)gemeintes (zuug de hoofteks veur 'n verklaoring).

Lendelede (Wes-Vlaams: Lendlee) is e dörp en 'n gemeinte in de Belzje provincie Wes-Vlaandere, in 't arrondissemint Kortrijk. De gemeinte besleit 13,15 km² en had op 1 januari 2008 5.467 inwoeners.

Geografie

Lendelede heet gein deilgemeintes. Neve de dörpskèrn ligk allein nog e deil vaan de parochie Sint-Katrien (gedeild mèt Heule [stad Kortrijk] en Kuurne).

Aongrenzende (deil)gemeintes

a. Izegem (stad Izegem)
b. Ingelmunster (gemeinte Ingelmunster)
c. Hulste (stad Harelbeke)

d. Kuurne (gemeinte Kuurne)
e. Heule (stad Kortrijk)
f. Sint-Eloois-Winkel (gemeinte Ledegem)

Historie

Door de gemeinte leep in noord-zuidriechting 'ne Romeinsen heerweeg. 't Dörp weurt in 1078 veur 't iers geneump, es Lethae. In de late zeventienden iew en vreugen achtienden iew had 't väöl te leie oonder oorloge en plunderinge, wie de Franse 't gebeed perbeerde te oonderwerpe. In d'n Ierste Wereldoorlog laog Lendelede veur 't froont (vaanoet Centraol perspectief, dus in door Duitsers bezat gebeed); 't Duits leger lag hei e veldhospitaol aon. Ouch maakde hei de bekinde Franse piloot Roland Garros 'n noedlanding. In d'n Twiede Wereldoorlog woort hei hel gevochte bij de Slaag aon de Leie in mei 1940. Bij de herindeilingsgolve vaan 1971 en 1977 bleef de gemeinte Lendelede gespaord.