Krök (muibel)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Krök is e muibel worop me kan zitte. Per diffenisie haet 'n krök gein leuninge, ouch neet anen achterkantj. Wen e zitmuibel waal leuningen anen achterkantj haet sprèk me meistes euver 'ne stool (of 'ne zaetel). 'n Krök haet meistes eine, drie of veer puuet, mer hievan wuuertj nagal aafgeweke. 't Guuef versjillige saorten aan krökke, worónger:

• De barkrök haet meistes veer lang puuet en kump veur in zowaal en róndj es e veerkentjig model. Ze kan laere bekleijing höbben op 't zitvlaak, meh döks is 'n barkrök ouch gans houtere;
• De melkkrök woor 'n houtere krökske det woort gebroek bie 't handjmelke vanne kuuj. Dees waas meistes driepuuetig, al besteit ouch 'n einpuuetig model;
• De drumkrök is meistes drie- of veerpuuetig en geveurdj. Op dees krök zitj d'n drummer tiejes 't spele. Drumkrökke kómme veur inne vorm van rónj köskes, mer ouch in e zaalmodel. Döks kan me de huuegdje vanne drumkrök verstèlle.

• Krök