Debrecen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Debrecen (oetkal: [ˈdɛbrɛtsɛn], debretsen, Roemeens: Debreţin, Tsjechisch: Debrecín, Pruus: Debreczin, Pools: Debreczyn) is mit 207.000 inwoeaners de twieëdje stad van Hóngarije. 't Is gelaenge in 't oeaste van 't landj, in de Hóngaarse leegvlakdje (Alföld). 't Is de höidstad van 't comitaat Hajdú-Bihar. Sins 1954 haet de stad de status van "stad mit comitaatsrech" (megyei jogú város).

Debrecen kreeg in 1361 stadsrechte. In 1849, tiedes de Hóngaarse ónaafhankelikheidsstried taenge de Oeasteriekse Habsbörgse keizer, waas de stad tiedelik höidstad van Hóngarije.

In Debrecen zeen de Universiteit van Debrecen (Debreceni Egyetem, DE) en de Gereformeerdje Theologische Universiteit (DRHE) gevestig. De stad geldj es 't geiselik centrum van de Hóngaars Gereformeerdje Kèrk. E standjbeildj van admiraal Michiel de Ruyter in 't stadscentrum hèrinnertj d'raan det deze in 1676 zèsentwintjig Hóngaars gereformeerdje dominees oet de slavernie bevriedje, die door de Oeasteriekse keizer toet de galeie ware veroeardeildj.

De stad besjik euver e twieëtaal geneiskrachtig bade.