Braşov

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Braşov (Pruus: Kronstadt, Hóngaars: Brassó, verawwerd Limbörgs: Kroens(j)tad) is 'n aaj middelieëuws stad in 't hert van Roemenië. De stad lègk in 't zuudoeaste van Transsylvanië aan de voot van de Zudelike Karpate en had in 2021 237.589 inwoeners (mèt 't groeter sjteielek gebeed 371.802 inwoeners).

Kórtbie de kèrk (in 't hert van Braşov) is 't mertplein Piaţa Sfatului mit in 't midde 't 15^en-ieëuws raodhoes.

Aan de randj van 't aaj stadscentrum bevindj zich 'ne steulkeslif nao de berg Tâmpa, dae e sjoean oetzich euver stad guuef.

Braşov is ouch beruch veur zie baere die häör voor op sommige wintjeraovendje zeuke in voelnesbek in de boetewieke van de stad.

De Pruse naam Kronstadt is in 't Pruus ouch de naam veur de Rössisch stad Kronsjtadt.

Brașov steit veural bekind om häör monumentaol gotische Zwarte Kèrk. Volges 'n mythe heet de kèrk ziene naom te daanke aon de oets verzwarte boetemäör es gevolg vaan 'ne groete brand in 1689. De naom dateert evels oet de 19e iew en de allewijl duuster kleur heet niks te make mit dee brand en is 't rizzeltaot vaan lochvervoeling. Dees hallekèrk bevat kosbaar Törkse karpètte. Kortbie de kèrk (in ‘t hart vaan Brașov) ligk ‘t merretplein Piața Sfatului mit 't 15e-eiwse stadhoes in ‘t midde. Aon de rand vaan 't aajd stadscentrum gief 't 'n stoollift nao de berg Tâmpa, vaandao kinste euver de stad kieke.

Door de gans historie heer maakde de stad deil oet vaan ‘t aajd Keuninkriek Hongarije, 't semi-autonoom Transsylvanië, Oesteriek-Hongarije en, vaanaof 1920, Roemenië. Ónder Roemeense hiersjappij verdween 't Saksisch-Hongaarse karakter vaan de stad mèt de vesteging vaan väöl Roemeense arbeiders en industrieë in de stad. In 1955 woort de stad zelfs hernump tot Orașul Stalin (Stalinstad). Tiedes de opstande vaan 1989 speulde demonstraties in de stad ouch 'ne rol in 't umgoeje vaan ‘t Ceauşescu-regime. Wie Roemenië tot de EU is gekomme, is Brașov 'n welverende stad gewore.

In 1850 waor de samesjtèlling vaan de 21.782 inwoeners de volgende:

• Duutsers: 8.874 (40,8%)
• Roemeene: 8.727 (40%)
• Hongare: 2.939 (13,4%)
• aandere: 1.242 (5,7%)

In 1910 waor de samesjtèlling vaan de 41.056 inwoeners de volgende:

• Hongare: 17.831 (43,43%)
• Roemeene: 11.786 (28,71%)
• Duutsers: 10.841 (26,41%)
• aandere: 598 (1,45%)

Brașov had 253.200 inwoeners bij de telling vaan 2011. Etnische verdeiling:

• Roemeene: 208.019 (91,3%)
• Hongare: 16.172 (7,1%)
• Duutsers: 1.079 (0,5%)
• Roma: 916 (0,4%)
• aandere: 1037 (0,7%)