Saurimo

Saurimo
Stroossenzeen am Zentrum vu Saurimo
Land	Angola
Vewaltungseenheet	Lunda Sul
Awunner	423.548[1]
	2013
Fläch	?
Héicht	1.100
Koordinaten	09° 40’ 00’’ S       20° 23’ 00’’ O
Websäit	/

Saurimo ass eng Stad am Nordoste vun Angola, déi virun der Onofhängegkeet vum Land Henrique de Carvalho geheescht huet. Si ass d'Haaptstad vun der Provënz Lunda Sul.

Géint Enn vum 19. Joerhonnert hunn dem portugiseschen Offizéier Henrique Augusto Dias de Carvalho seng Truppen d'Uertschaft Saulimbo eruewert an do eng nei Uertschaft gegrënnt. D'portugisesch Kolonialverwaltung huet hir den Numm vum Eruewerer ginn, Henrique de Carvalho. 1923 ass si eng Klengstad ("vila") ginn, an den 28. Mee 1956 krut si Stad-Status. Wéi Angola 1975 onofhängeg ginn ass, ass d'Stad ëmbenannt ginn a krut den aktuellen Numm.

D'Gemeng Saurimo ass eng vu véier Gemengen an der Provënz a setzt sech aus der Stad an 140 Dierfer zesummen. Si huet iwwer 423.000 Awunner.^[1] Haaptethnie sinn d'Chokwe; doduerch ass Chokwe och déi am heefegste geschwate Sproch zu Saurimo.^[1]

De Buedem an der Ëmgéigend vu Saurimo ass räich un Diamanten, Mangan an Eisen.

D'Stad läit op enger Héicht vu ronn 1.100 m iwwer dem Mieresspigel an d'Duerchschnëttstemperature leien tëscht 16 an 23 Grad Celsius.^[2]

• 
  De Park Jardim do 28 de Maio
• 
  Gebai vun de "Bureaux publiques"
• 
  De Foussballstadion
• 
  Wunngebaier
• 
  D'Gemengenhaus
• 
  D'kathoulesch Kierch

Commons: Saurimo – Biller, Videoen oder Audiodateien

1. ↑ ^{1,0 1,1 1,2} Agëncia Angola Press: Lunda Sul: Administrador apela população a participar nas festas de Saurimo (18. Mee 2016)
2. ↑ Mike Stead, Sean Rorison, Oscar Scafidi, 2013, "Angola - the Bradt Travel Guide", 2. Editioun, Lunda Sul, Säit 309, online consultéieren op Google Books