René Mertzig

René Mertzig
Gebuer	11. August 1911
Gestuerwen	17. September 1986
Nationalitéit	Lëtzebuerg
Aktivitéit	Komponist

De René Mertzig, gebuer den 11. August 1911 zu Colmer-Bierg, gestuerwen de 17. September 1986^[1], war e lëtzebuergesche Pianist a Komponist.

De René Mertzig huet Musekstheorie an Instrumenter (Piano a Gei) an de Conservatoire vu Lëtzebuerg a Bréissel studéiert. An den 1930er Jore gouf hie Member vum Sinfoneschen Orchester vu Radio Lëtzebuerg, wou hie bis 1976 matgeschafft huet. Wéi hie pensionéiert gouf huet e beim RTL-Orchester 1979 d'Plaz als Pianist iwwerholl.

Hie war Matgrënner vun der Société nationale pour la propagation de la musique symphonique a vum Luxembourg Piano Trio.

Als Komponist war hien inspiréiert vum gregorianesche Gesank a vun de Museker Rimski-Korsakov, Manuel de Falla, Claude Debussy a Maurice Ravel. Hie selwer sot, d'Basis vu senge Kompositioune wier d'Instrumentatiounsléier vum Richard Strauss.

• Quatre mélodies (1942)
• Poème (1945-46)
• Trois mélodies (1947)
• Rhapsodie chorégraphique (1947)
• Cycle symphonique (1950-51)
• Trio en mi (1951)
• Lëtzebuerger Rousen (Oper mat Ballett) (1951-52)
• Symphonie des impressions vives (1953-54)
• La Cité éblouissante (1954)
• Deuxième Trio (1955)
• Trois esquisses (1955)
• Enfantines (1956)
• Le tambourin et la guitare (1958)
• Quatuor à cordes (1962)
• Rythmes souverains (1962)
• Toccata (1963)
• Trois mélodies (1962-63)
• Konzertstück (1963)
• Synthèse symphonique (1964)
• Estampes (1968)

• Officier vum Ordre de Mérite du Grand-Duché de Luxembourg (Promotioun 1973)^[2]

• Loll Weber: "Mes oeuvres, c'est toute ma vie..." in: nos cahiers Lëtzebuerger Zäitschrëft fir Kultur, 1982/1)
• Léon Blasen: "René Mertzig und sein Werk" (Les Cahiers luxembourgeois 1992/1)

De René Mertzig am Musikerlexikon

1. ↑ Luxemburger Lexikon, S. 295.
2. ↑ IN UNSERER REPORTAGE VON POL ASCHMAN „GIELERCHER“ op der Säit 3 vum Luxemburger Wort vum 17. Juli 1973 op eluxemburgensia.lu gekuckt de 24. Dezember 2022