Johannes Kepler

Johannes Kepler
Gebuer	27. Dezember 1571 jul. Weil der Stadt
Gestuerwen	15. November 1630 Regensburg
Educatioun	Eberhard Karls Universitéit Tübingen
Aktivitéit	Naturalist, Astrolog, Mathematiker, Astronom, Musikolog, Physiker, Kosmolog, Musekstheoretiker, Philosoph, Schrëftsteller, Enseignant, Erfinder
Member vun	Accademia Nazionale dei Lincei

De Johannes Kepler och Johann Keppler [ˈkʰɛplɐ], och Ioannes Keplerus, gebuer de 27. Dezember 1571 zu Weil der Stadt, a gestuerwen de 15. November 1630 zu Regensburg, war en däitschen Astronom, Astrolog, Mathematiker a Biophysiker.

En huet déi dräi Gesetzer vun de Planéitebeweegungen entdeckt, déi no him benannt goufen (Gesetzer vum Kepler).

De Kepler war keeserleche Mathematiker an huet zu Tübingen, Graz, Linz, Ulm, Prag a Sagan geschafft.

Fir un de Kepler z'erënneren, gouf eng Strooss um Kierchbierg, d'Rue Kepler, no him genannt.

 Méi Informatioun doriwwer am Artikel: Gesetzer vum Kepler.

D'Gesetzer vum Kepler Gesetzer beschreiwen d'Planéitebunnen als Ellipsen an erkläre firwat d'Bunngeschwënnegkeet vun de Planéiten ëmmer méi grouss gëtt, wat si méi no bei d'Sonn kommen. Bei der Opstellung vu senger Theorie huet de Kepler op Moossunge vum Tycho Brahe zeréckgegraff.

• Mysterium Cosmographicum (1596)
• Ad Vitellionem Paralipomena quibus Astronomiae pars optica traditur...... (1604)
• De Stella nova in pede Serpentarii (1604)
• Astronomia Nova (1609)
• Dioptrice (1611)
• Nova stereometria doliorum vinariorum (1615)
• Epitome astronomiae Copernicanae (1618 - 1621, 3 Deeler)
• Harmonices Mundi (1619)
• Tabulae Rudolfinae (1627)
• Somnium (1634)

• Lëscht vu Physiker

Commons: Johannes Kepler – Biller, Videoen oder Audiodateien