Alenter

Alenter, Schwaarz Eller
	Alenter
An anere Sproochen	fr: aulne glutineux / aulne noir; de: Schwarz-Erle
Wëssenschaftlech Klassifikatioun
Räich	Planzeräich
Iwwerofdeelung	Somplanzen
Ofdeelung	Bléieplanzen
Uerdnung	Fagales
Famill	Betulaceae (Bierkeplanzen)
Gattung	Alnus (Elleren)
Wëssenschaftlechen Numm
	Alnus glutinosa
	L.

Den Alenter (Alnus glutinosa) oder och Schwaarz Eller, ass e Lafbam, deen am Wanter seng Blieder verléiert, aus der Gattung vun den (Elleren) (Alnus) a gehéiert domat zu der Famill vun de Betulaceae (Bierkeplanzen).

En ass, ausser an Nordskandinavien an an Island, a ganz Europa verbreet. Alenter gi gewéinlech kaum méi wéi 120 Joer al, wuesse séier a brauche vill Luucht. Si verdroe suppeg bis naass Biedem, déi zäitweileg iwwerschwemmt sinn, zimmlech gutt a sinn dofir dacks Pionéierbeem a mouerzegem Terrain oder am Iwwerschwemmungsgebitt vu Baachen a Flëss.

D'Holz ass ënner Waasser ganz resistent a gouf dofir schonn an der Jonksteenzäit gebraucht als Péil fir ënnert dem Buedem, op deene gebaut gouf.

Charakteristesch sinn hir zäpchenaarteg Fruuchtstänn, déi och iwwert de Wanter um Bam bleiwen, Blieder déi vir ofgeronnt sinn an eng schwaarzbrong "zerrappt" Bamkuuscht bei eelere Beem.