Yasmina Reza

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Yasmina Reza (Nantes, 1 de Mayo de 1959)​ es una eskritora i aktrisa franseza, konosida por las sus ovras "Art" i "Le Dieu du Carnage". La majorita de las sus ovras estan eskritas ensima de la klasa media de la sosyste aktuala.

Reza nasio el 1 de Mayo de 1959 en Nantes, Fransia, ija de un enjeniero, komersante i tanyedor de piano buhariano^[1] nasido en Mosku^[2] i la su madre era una tanyedora de violin djudia de Madjaristan nasida en Budapesht.^[3] Durante la Sigunda Gerra Mondiala, el su padre era echado de Nisa i yevado al kampamento de Drancy.^[4]

Ambezo sosyolojiya i teatro en la Universita de Paris X Nanterre. Kuando prinsipio la su kariera, lavoro komo aktrisa en algunas ovras de teatro de otors muevos, ansina komo en ovras klasikas de Molière i Marivaux.

El empesijo de la su kariera komo eskritora era en 1987, kuando eskrivio Conversations après un enterrement (Lakirdi diskues de un enterramyento) la kuala aresivio el Premio Molière, el premio fransez ekivalente al Premio Tony del teatro amerikano. Diskues, treslado La Metamorfosis de Franza Kafka para el mudur de sinema Roman Polanski, kon la kuala era nomiada al Premio Molière por la tresladasion de la anyada. Kon la su dosena ovra, La Traversée de l'hiver (El viaje del inuerno) aresivio el Premio Molière. La su tresera ovra para teatro, L'Homme du hasard (El ombre del azardo) reusho en munchos payises. Kon la su ovra Art (Arte) aresivio otro Premio Molière kon muncha reushita en Evropa i Amerika,^[3] i era tresladada ala lingua ingleza i apresentada en Estados Unidos, ande aresivio un Premio Tony katro anyos diskues, en 1998; era tresladada a 35 linguas en total^[2]. En 1997 eskrivio la romansa Hammerklavier i kon la kuala aresivio un premio de la Akademia Franseza.

En 2007, abolto kon una mueva reushita, Le dieu du carnage, la kuala era echa filmo por Roman Polanski en 2011, kon los aktores Jodie Foster, Kate Winslet, John C. Reilly i Christoph Waltz. Aresivio un Premio Tony en 2009 por esta ovra. La su romansa de 2016, Babylone, aresivio el Premio Renaudot.

Tiene una ija, nasida en 1988 i un ijo nasido en 1993.

• En 2009 dirijio el su primer filmo, Chicas, kon la aktrisa espanyola Carmen Maura como protagonista.

• Que les gros salaires lèvent le doigt ! (1982)
• À demain (1991)
• Loin (2001)

• Conversations après un enterrement (1987)
• La Traversée de l'hiver (1989)
• Art (1994)
• L'Homme du hasard (1995)
• Trois versions de la vie (2000)
• Une pièce espagnole (2004)
• Le Dieu du Carnage (2006)
• Comment vous racontez la partie (2011)
• Bella figura (2015)
• Anne-Marie la Beauté (2020)

• Hammerklavier (1997)
• Une désolation (1999)
• Adam Haberberg (2003)
• Nulle part (2005)
• Dans la luge d'Arthur Schopenhauer (2005)
• L'aube le soir ou la nuit (2007)
• Heureux les heureux (2013)
• Babylone (2016)
• Serge (2021)

• Jusqu'à la nuit (1983)
• Le pique-nique de Lulu Kreutz (2000)

• 1987: Premio Molière de eskritura (Conversations après un enterrement )
• 1988: Premio Molière de tresladasion (La Metamorfosis)
• 1990: Premio Molière de produksion (La Traversée de l'hiver)
• 1994: Premio Molière de eskritura, pies de teatro i produksion (Art)
• 1998: Premio Laurence Olivier ala amijor komedia (Art)
• 1998: Premio Tony ala amijor Ovra de Teatro (Art)
• 2000: Premio al amijor pies de Teatro de l’Académie Française
• 2005: Premio de Literatura Welt-Literaturpreis^[5]
• 2009: Premio Laurence Olivier ala amijor komedia (Le Dieu du Carnage)
• 2009: Premio Tony ala amijor Ovra de Teatro (Le Dieu du Carnage)
• 2012: Premio del Serklo de Eskritores de Espanya al amijor dialog de sinema, por el filmo Le Dieu du Carnage
• 2012: Premio César al amijor dialog de sinema, por el filmo Le Dieu du Carnage
• 2016: Prix Renaudot, Babylone^[6]
• Kavayera de la Orden Nasionala del Meresimyento de Fransia^[7]