Ioannes Prescott
.jpg)
Ioannes Prescott (natus John Leslie Prescott, Baron Prescott, Prestatyn in Flintensi Comitatu die 31 Maii 1938; mortuus die 20 Novembris 2024), fuit rerum politicarum peritus Britannicus factionis Laboris. Operarius in navibus commercii laboravit. Annis 1960, Collegium Ruskin Oxoniae et Universitatem Hullensem frequentavit. A die 18 Iunii 1970 usque in annum 2010 munere populi Hulli Orientalis in Parlamento Britannico functus est. Anno 1994, Ioanne Smith duce factionis Laboris nuper mortuo, se successorem proposuit: Antonio Blair victore, Prescott ut qui proxime accedit dux vicarius factus est. Ergo a die 2 Maii 1997 usque in Iunium 2007 primus minister vicarius meruit: eodem tempore minister a circumiectu commeatuque et provinciis usque in diem 8 Iunii 2001 functus est.
Bibliographia
[recensere | fontem recensere]- Colin Brown, Fighting Talk: the biography of John Prescott. Londinii: Simon and Schuster, 1997. ISBN 0-684-81798-5
- Naomi Grimley, "When Prescott served Eden" (25 Ianuarii 2007) apud BBC News
- Hélène Mulholland, "Lord Prescott admits intelligence doubts prior to Iraq war" in The Guardian (30 Iulii 2010)
Nexus externi
[recensere | fontem recensere]
|
Lexica biographica: • Store norske leksikon • • Parlamentum Britannicum |
- Iohannis Prescott pagina interretialis
- TheyWorkForYou.com De Ioanne Prescott apud TheyWorkForYou.com
