Green Day

Green Day^[1] (Latine: Dies Viridis), aliquando Greenday scriptum, est grex rockicus Americanus habens tres praecipuos socios: Billie Joe Armstrong (cithara, vox principalis), Michael Dirnt (cithara gravis, vox secunda), et Tre Cool, tympana). Grex in mundo punkiano in auliolo 924 Gilman Street Berkeleiae Californiae primum consociati sunt. Eorum primi disci pro Lookout! Records nomine libero (independent label) multos fautores attraxit, quorum aliqui se a grege deinde abalienabant, grege a maiore nomine (major label) conducto; nihilominus, Dookie, gregis primus maioris nominis discus, successus inrumpens (breakout success) anno 1994 fuit, qui plusquam 10 milliones rerum in Civitatibus Foederatis vendidit.^[2]

Historia

Formatio et primi anni (1986–1993)

Anno 1987, amici Billie Joe Armstrong et Mike Dirnt (quattuordecim annos agentes) gregem Liberos Dulces (Anglice: Sweet Children) creaverunt. Prima praesentatio die 17 Octobris 1987 accidit in Rod's Hickory Pit in vico Vallejo Californiae, ubi laborabat mater Armstrong.^[3] Anno 1989, Armstrong, Dirnt, et Ioannes Kiffmeyer (nomine falso "Al Sobrante") Green Day formaverunt, nomine ad cannabinem spectante.^[4] In horto collegii Contrae Costae, collegii secundarii Sancti Pauli Californiae, ubi Kiffmeyer erat alumnus, grex primam praesentationem dedit.^[5]

Grege canente audito, Laurentius Livermore, qui in Cave periodico gitarram^? cecinit et societatem Lookout Records gubernabat, gregi pactum dedit: gregem cecinisse, dixit, sicut The Beatles in stadio Shea.^[6]^[7] Anno 1989 primum discum EP, 1,000 Hours, ediderunt, et mox primum album LP, 39/Smooth.

Stilus et influentiae

Musica

Gregis carmina offerunt gitarram distortam, tympana insanientia, et bassum electronicum altum et praegravem. . . .

Plurimi suorum carminum cito agunt et brevia sunt, minus quam quattuor minutos. Hoc genus musicae aliorum gregum similis est qui apud 924 Gilman Street annis 1980 exeuntibus et 1990 ineuntibus canebant: Crimpshrine, Mustelae Eiulantis, The Mr. T Experience, Actionis Hederae, et aliorum gregum.

Primus Diei Viridis sonus saepe aequiparabat ad sonum gregum undae primae sicut Ramones, The Clash, et Buzzcocks.^[8]

Verba

Verba carminum gregis usitate sunt inornata, impolita, simplicia, sincera, aspera, et interdum subinsulsa et insolentia. Argumenta frequentissime sunt alienatio ("Jesus of Suburbia," "Boulevard of Broken Dreams," "Reject"), hysteria ("Basket Case," "Panic Song"), amor adolescens ("She," "80"), et effectus medicamentorum illicitorum ("Geek Stink Breath," "Green Day").

Exemplum carminis ad amorem adolescentem est "At the Library." Die 22 Ianuarii 1998 in tabula rerum gestarum in situ interretiali AOL, Latine sic sunt edita verba huius carminis, "In Bibliotheca":

Heus, me aspiciens,

Dic vere quid videas.

Sed statim te avertis.

Verba utilissima quaero.

Ad te accedere timeo.

Opportunitas languescit.

Longe oculos fixens:

Mox tu exis?

Tantum indigeo tempore.

Quid imprimis me conturbat?

Similes tui mihi incognitae.

Quos colores tuos adoro?

Quid talem dolorem affert,

Cur sic dementio?

Quos colores tuos adoro?

Cur iam tibi exeundum fuit?

Cur tibi egrediendum fuit?

Eheu! sors me recontigit:

Puella cum amatore abiit.

Fortasse reconveniemus.

Consilia alia

Pinhead Gunpowder, The Frustrators, The Network. . . .

Discographia

Datum	Titulus	Societas
Aprilis 1990	39/Smooth	Lookout! Records
17 Ianuarii 1992	Kerplunk!	Lookout! Records
1 Februarii 1994	Dookie	Reprise Records
10 Octobris 1995	Insomniac	Reprise Records
14 Octobris 1997	Nimrod	Reprise Records
3 Octobris 2000	Warning	Reprise Records
13 Novembris 2001	International Superhits!	Reprise Records
2 Iulii 2002	Shenanigans	Reprise Records
21 Septembris 2004	American Idiot	Reprise Records
15 Maii 2009	21st Century Breakdown	Reprise Records
21 Septembris 2012	¡Uno!	Reprise Records
9 Novembris 2012	¡Dos!	Reprise Records
7 Decembris 2012	¡Tré!	Reprise Records
7 Octobris 2016	Revolution Radio	Reprise Records
2020	Father of All Motherfuckers	Reprise Records
2024	Saviors	Reprise Records

Nexus interni

Fontes

Spitz, Marc. 2006. Nobody Likes You: Inside the Turbulent Life, Times, and Music of Green Day. Novi Eboraci: Hyperion. ISBN 1-4013-0274-2.
The Green Day Story (Transmissum in Radio 1 Die Lunae, 20 Iunii 2005) (Nexus alternus: Link)
Biographia Diei Viridis
Nunciatio Diei Viridis

Notae

↑ Laurentius Livermore (post Iacobus W. Amor nomen ei protulit)
↑ Ben Myers, "Green Day: American Idiot and the New Punk Explosion" (Aprilis 2006).
↑ https://web.archive.org/web/20080205024233/http://sanfran.com/archives/view_story/96/
↑ https://web.archive.org/web/20090216002019/http://metropolis.co.jp/tokyomusicconcerts/concert/359/tokyomusicconcertsinc.htm
↑ https://web.archive.org/web/20070629074841/http://www.contracosta.edu/archives/
↑ "Interview with Lawrence Livermore: An inside look at Green Day's early years". greenday.net
↑ Livermore, Larry. "Green Day's early history"
↑ Michael Azerrad, Our Band Could Be Your Life (Little Brown and Company, 2001), p. 496. ISBN 0-316-78753-1.
↑ https://web.archive.org/web/20100816232039/http://www.geekstinkbreath.net/greenday/article/behind-green-day

Nexus

Green Day Situs mandatus
Green Day Mandatus fanaticorum situs
MySpace situs mandatus

[1] Laurentius Livermore (post Iacobus W. Amor nomen ei protulit)

[2] Ben Myers, "Green Day: American Idiot and the New Punk Explosion" (Aprilis 2006).

[3] ttps://web.archive.org/web/20080205024233/http://sanfran.com/archives/view_story/96/

[4] ttps://web.archive.org/web/20090216002019/http://metropolis.co.jp/tokyomusicconcerts/concert/359/tokyomusicconcertsinc.htm

[5] ttps://web.archive.org/web/20070629074841/http://www.contracosta.edu/archives/

[6] "Interview with Lawrence Livermore: An inside look at Green Day's early years". greenday.net

[7] Livermore, Larry. "Green Day's early history"

[8] Michael Azerrad, Our Band Could Be Your Life (Little Brown and Company, 2001), p. 496. ISBN 0-316-78753-1.

[9] ttps://web.archive.org/web/20100816232039/http://www.geekstinkbreath.net/greenday/article/behind-green-day

[1]