Campus Birsae

Campus Birsae (Theodisce Birsfelden) est urbs Helvetica in pago Basileae Rus districtu Arleshemii prope urbem Basileam sita.

Urbs ad confluentes rivi Birsae cum flumine Rheno ad orientem Basileae iacet. Anno 1425 pons super Birsam inter urbes Basileam et Campum Birsae constructus est.

Vicus Campi Birsae usque ad annum 1874 pars communis Muttenz fuit et deinde commune separatum factus est.

Campus Birsae compitum vecturae plurium generum est: viarum, autoviarum, ferriviarum, navigationis. Portus Rhenus Campo Birsae magni momenti ad vecturam onerum trans Rhenum in Helvetiam est. Naves iuxta electrificinam Campi Birsae exclusam transeunt.

Annis 1923 ad 1950 in planitie prope vicum Aeroportus Basileae situs erat qui postea in novam aream ad occidentem Basileae translatus fuit nomine Aeroportus Basilea-Mulhusia (ad meridiem urbis Mulhusiae situs).

Vicimedia Communia plura habent quae ad Campum Birsae spectant.

• Situs publicus communis Campi Birsae
• Commentatio in Lexico historico Helvetiae: Theodisce, Francogallice, Italice.