Alexandria Eschate

Alexandria Eschate (Graece Ἀλεξάνδρεια Ἐσχάτη, scilicet "Alexandria ultima") mense Augusto 329 a.C.n. condita est ab Alexandro Magno ut officio propugnaculi Graeci in Media Asia fungeretur. Sita est in parte austro-occidentali vallis Ferganicae ad meridionalem ripam fluminis Iaxartis (cui nomen hodiernum Syr Daria est) in loco recentis oppidi Khujand in re publica Tadzikistana. (Khujand etiam scriptum est Хуҷанд, خجند, Khüjand, Khodzhent, Khudchand, Chodjend. Alia nomina sunt: Ispisar, Leninabad, Leninobod, Ленинобод, لنین‌آباد.)

Alexander urbem muris latericiis 6 mille passum cingi curavit qui secundum auctores antiquos viginti in dies exstructi sunt. Aeque ac in aliis urbibus ab illo conditis partem exercitus sui ibi reliquit, ut tractus nuper adeptos frequentarent.

Alexandria cum Eschate 300 fere km absit ab Alexandria ad Oxum Bactriae in Sogdiana sita saepe ab indigenis aggressa est. Ex anno 250 a.C. urbs probabiliter sub dicione regni Bactrici fuit, imprimis cum Euthydemus I fines regni sui usque ad Sogdianam propagavit.

• George Huxley, "Sogdian Tanais and Aristobulus" in Bulletin of the American Society of Papyrologists vol. 22 (1985) pp. 117-121 JSTOR

• "Alexandria Eschate" apud Pleiades (situs a Rogero Bagnall et Ricardo Talbert editus) (Anglice)

Situs geographici et historici: Locus: 40°17′10″N 69°37′2″E • Thesaurus Getty • Digital Atlas of the Roman Empire • Pleiades