Virgo (ranneves)

Ensampel a	ranneves, ranneves y'n stergylgh, duwses
	Restrennow kelmys war Gemmyn Wikimedia

Virgo ew ranneves, onan a'n 88 aswonys gen an Unyans Steroniethek Keswlasek (IAU). Onan ew a 12 ranneves an stergelgh. Hy hanow a styr gwerghes en Latin. Ema an Howl ow sevel en Virgo a vis Gwydngala diwedhes bys dhe dhiwedh mis Hedra, hebm ew termyn kehysnos kidnyath. Virgo ew an sekond moyha ranneves e'n eborn. En hwedhlow nebes gonisogethow, ema hei ow telinya duwes justis po trevas.

α Virginis, henwys Spica (pedn ysen) ew steren laswydn a spladnvraster 1.0, gen pellder a 260 bledhen wolow. Gen Arcturus ha Denebola, Spica a furv Trihorn an Gwenton.

Eksoplanettys

Aswonys ew 35 eksoplanet ow resek a-dro dhe 29 steren en Virgo, ow komprehendya PSR B1257+12 (tri flanet), 70 Virginis (udn planet), 61 Virginis (tri flanet), NY Virginis (dew blanet), ha 59 Virginis (udn planet). Ma dhe'n steren 70 Virginis onan a'n systemow planettys a veu aswonys kensa, gen udn planet 7.5 gweyth gronnedh Yow.

Ma dhe steren Chi Virginis onan a'n planettys moyha diskudhys besketh, gen gronnedh 11.1 gweyth Yow.

Ma dhe'n steren 61 Virginis, haval orth an Howl, tri flanet, onan ew kowr-Dor ha dew ew myns Neptun.

Bagas Galaksiow Virgo

Drefen bos bagas galaksiow desedhys e'n ranneves ma (henwys an Bagas Virgo) 5° dhe 12° west a ε Vir (Vindemiatrix), ema lies taklen eborn es aga gweles edni hei. Udnek anodhans ew Taklow Messier. Messier 49 (hirglghek), Messier 58 (troyllyek), Messier 59 (hirgelghek), Messier 60 (hirgelghek), Messier 61 (troyllyek), Messier 84 (gwedrikel), Messier 86 (gwedrikel), Messier 87 (hirgelghek ha pednfenten radyo a vri), Messier 89 (hirgelghek) ha Messier 90 (troyllyek). Galaksi aral a vri nag ew rann a'n bagas ew An Galaksi Sombrero (M104), galaksi troyllyek koynt. Desedhys ew 10° west a Spica.