Porthkragen

Porthkragen
Sort	gwig
Doronieth
Konteth	Pluw Wynnas
Gwlas	Ruvaneth Unys
A-ugh an mor	15 Meter
Kesordnogyon	50.7445°N 4.6377°W
Kod OS	SX 1431 9672
	Restrennow kelmys war Wikimedia Kemmyn
	[edit on Wikidata]

Porthkragen ow styrya porth an gragen ew gwig arvorek en Kernow north en pluw Sen Gwynnas ort pedn porth. An wig ww seyth mildir dhe'n soth-west a Borth Bud ha pajar mildir dhe'n north-est a Gastel Boterel. Y hanow en Sowsnek ew Crackington Haven.

Kragen Gres ha Kragen Wartha ew trevesigethow ogas dhe'n porth. Desedhys enjei war an vre soth-est a'n porth.

Doronieth

Porthkragen (hanow an wig - an porth ew Porth Kragen) ew meurgerys dhe dornyji, kerdhoryon ha studhoryon dororieth. An alsow ew aswonnys rag aga furvyansow karrek wodhasek gweladow. Ma an wig ow rei y hanow dhe'n Crackington Formation, kevres a grag Glowek ha kyllas loos.

Ma dew vosti ha tavern e'n wig. Hanow an tavern ew 'Coombe Barton Inn', ha desedhys ew en derevyans o chei dyghtyer mengleudh legh leel kens.

Gwres a vili ew treth Porthkragen, bes gwelys ew tewes pan vo mordrik. Ma privedhyow ena ha sawyoryon bownans e'n hav.

Dhe'n gogledh a'n treth ema Pedntir Penkadnow, ha dhe'n dhyhow ema Kabmbig. Uhelder an als ma ew 328 troshes. Mildir pella dhe'n dhyhow ma Als Uhel (High Cliff) owth yskydna dhe 735 troshes. Hemm ew an uhella als en Kernow oll.

Ema Porthkragen ow sevel a-ji dhe ‘Direch a Dekter Naturek a Vri’, keffrys ha treja radn a enep Kernow, gen an keth status ha gwithans avel Park Kenedhlek.

Istori

Maner Porthkragen o rekordys en Stent Pow an Sowson (Domesday Book) en 1086 pan o onan a niver a vanoryow senjys gen Berner dhort Robert, Yurl Mortain. Thera hanter krohen a dir ha tir rag tri arader. Thera udn arader, dew geth, hwegh den pastel-dir, peder erow a wedhegi, ugens erow a beurva, peder bugh, tri hogh ha 25 davas. Talvosogeth an maner o 10 sols, kenth o £1 neb termyn kens.

Bys dhe'n 19ves kansbledhen, Porthkragen o porth bian haval orth lies onan aral war als north Kernow. Kalgh ha glow o enperthys ha legh hag askorrasow erel esperthys. Woja for'ow kledhren dhe dhrehedhes an tiredh en 1893, possybyl o dhe dornyji drehedhes an wig a'n gorsav en Prasotri (Otterham Station). Vysytoryon o moy kebmyn woja hedna.

Porthkragen o drog-effeythgys gen liv Kastel Boterel en 2004. An bons a-dreus an ryver, niver a dreven ha'n tavern a veu distruis gen an fros o dhowr.