Mogdoll

Toll yn krestennan an Norvys hag a stif gassys hag ethen yn mes yw mogdoll. An ger Sowsnek ragdho yw 'fumarole', dyworth an Latin ' fumus ', ow styrya mog. Herwydh usadow, an gassys yw karbon dioxid, sulfur dioxid, hidrojen klorid ha hidrojen sulfid keffrys hag ethen (dowr). Henwys yw mogdoll a stif gassys loskvenus 'solfarata' dyworth an ger Italek 'solfo' rag sulfur. Mogdell a hwer pan vo krackys y'n garrek po avel bush heb patron, mes pan vo magma ogas dhe'n enep. Traweythyow i a yll durya rag kansvledhynnyow po gorfenna wosa seythennyow po misow mar koyeynha an magma yn uskis.

Yma peswar mil a vogdell yn Park Kenedhlek Yellowstone y'n Statys Unys, ha lies mogdoll yn Park Kenedhlek Morne Trois Pitons, Dominika ryb an Boiling Lake. Mogdell a wra godhosow loskvenus. Tylleryow yn le mayth o pelys an godhosow ma yw

• Kawah Ijen, Indonesi
• San Pedro de Atacama, Chile
• Menydh Tongariro, Mordir Nowydh
• Campo Flegrei, Itali

Krysys yw dhe vos mogdell marow war an planet Meurth, yn Kowdoll Gusev, vysytys gans tirer NASA, Spirit.

Yma'n erthygel ma owth usya an Furv Skrifys Savonek a-barth Kernowek kres.