Lydn Baikal

Lydn Baikal yw lydn bras en Siberya, radnvro a Russi. Lydn Baikal yw an brassa kreun a dhowr fresk e'n bys. Yma'n lydn ogas dhe Irkutsk. Yth yw a-dro dhe 636 km en hirder, ynter 20 km ha 80 km en lester, hag orth y boynt downna yth yw 1,700 meter en downder. Gans an downder-ma, an lydn downna war'n Nor yw.^[1]^[2]

Pur arbednek yw an lydn. Yma pesk e'n lydn na wra bewa bus obma, a-dar teller veth e'n bys. Ensampel a hedna yw pesk henwys Omul, sort a drudh.

Bestas ha losow

Yma en Lydn Baikal moy es 1000 ehen a losow^[3] ha 1550 ehen a vestas. Moy es 60% a vestes yw endemek.

A les yw is-ehen endemek a'n pesk omul (Coregonus autumnalis migratorius). Pyskessys, megys, ha gwerthys yw en keniver marhas a-dro dhe'n lydn. Rag lies tremenyas war'n hens-horn Treus-Siberya, perna omul megys yw onan a wolowboyntys an viaj hir.

Yma dhe Baikal ynwedh ehednow a reun, an reun Baikal po nerpa. Orses ha kerewi a ell bos mirys ha helhys orth arvoryow Baikal.

Devydnow

Yma media a-dro dhe'n desten Lydn Baikal war Wikimedia Commons.

[1] About Lake Baikal- details from the Encyclopedia, irkutsk.org

[2] Lake Baikal - UNESCO World Heritage Centre

[3] WWW Irkutsk: Animals and fishes of Lake Baikal

[1]