Indiom

Ensampel a	Elven gymyk, chalcophile element
Klass	alkan wosa-tremenyans, period 5
Furvell gymyk	In
Dydhyas diskudhans	1863
Niver atomek	49
Aray an elektrons	1s² 2s² 2p⁶ 3s² 3p⁶ 4s² 4d¹⁰ 4p⁶ 5s² 5d¹⁰ 5p¹, [Kr] 5s² 5d¹⁰ 5p¹
Elektronegedhegedh	1.78
Rann a	period 5, elven bagas 13
	Restrennow kelmys war Gemmyn Wikimedia

Elven gemyk ew indiom, niver 49 e'n Vosen Beriodek. Y arwodh gemyk ew In. An hanow a dheu dhort an ger Latin indicum, ow styrya purpur po glas Eynda, hag ow kul mencyon a'n lin moyha golow en y spektrum.

Nag eus radn dhe indiom e'n korf denel. Mars ew tybrys moy ages nebes mg, gwenonek ew, owth effeythya an avi, kalon ha'n lonethi.

Diskudhys veu indiom en 1863 gen Ferdinand Reich (1799-1882) ha Hieronymus Richter (1824-1898) en Skol Balyow Freiberg en Almayn. Anjei a wrug hwithrans war an moon zincblende. Pan wressa anjei gweles linen spladn purpur e'n spektrum, anjei a wrug ajon bos elven nowydh ena.

Askorrys ew indiom avel isaskor teudhi zynk, a-dro dhe 700 tonnas an vledhen, an moyha radn dhort Kanada. Nag ew lies devnydh dhe indiom marnas kesolkenyow gen poynt teudhi isel usys en systemow skyllyoryon dowr awtomatek rag lettya tan, nebes kesstoffow hanter-kendegi usys en daffar elektronek, hag avel gwedrow mires. En 2009 diskudhys veu liw nowydh hag a gomprehend indiom, h.y. glas YInMn en Universita Oregon.

Poos atomek indiom ew 114.81, y boynt teudhi ew 156°C ha'y boynt bryjyon ew 2080°C. Y dhosedh ew 7.3kg an liter. Olkan medhel arhansek ew. Pan ew plegys darn a olkan indiom, ev a wighal.