Nasnameya zayendî ya nebînar
 |
Nasnameya zayendî ya nebînar | |
|---|---|
| |
.svg) | |
 Ala | |
Sirûd: | |
| Pêk tê ji |
|
 | |
biguhêre - Wîkîdaneyê biguhêre | |
Di sala 2014 de ji hêla Kye Rowan ve hatiye çêkirin:
• zer = kesên li derveyî bînarî
• spî = polîseksuel
• mor = înterseks (nêr↔mê)
• reş = bêzayend (agender)
Nasnameya zayendî ya nebînar (ne dubeş) kurt nebînarî an ne-bînar (bi îngilîzî: nonbinary, kurt enby), têgehek kolektîv e ji bo nasnameyên zayendî yên ji spektora transgender, ku xwe bi taybetî wekî nêr an mê nas nakin û xwe li derveyî her duyan dibînin.
Ew xwe li derveyî nîzama zayenda dubeş, bînar dibînin (berevajî jinên trans û mêrên trans). Peyva genderqueer jî ji bo vê yekê ji inglîzî hatiye girtin (gender queer: zayenda civakî ya cûda). Di qada navneteweyî de, têgîna nelihevkirina zayendî pir caran tê bi kar anîn. Eleqeya nebinariya mirov bi cinsê biyolojîk an taybetmendiyên zayendî ve tine ye û hin mirovên înterseks jî xwe wekî nebînar didin nasîn. Nasnameya zayendî ya civakî divê ji nasnameya zayendî were cuda kirin: meyla romantîk û meyla zayendî ya mirovên nebînar jî bi qasî yên mirovên "bînar" (cisgender an transgender) ji hev cuda û cihêreng in. Nasnameya zayendî ya nebînar bi gelemperî di xuyang û tevgera kesek de nayê xuyangkirin û ne hewce ye ku androjen be (tevgerên nêr û mê li hev bîne) - mirovên nebînar hesta nasnameya xwe bi awayên cuda diyar dikin.
Gotina genderfluid (“zayendiya ku diherike her du hêlan”) di navbera zayendên nêr-jin (yan yên din) de, dikare ber bi her du hêlan ve bê guhertin. Nasnameya bigender hêmanên du zayendan dihewîne, pangender hemî zayendan dihewîne. Ji bilî wê, kesên ku (demkî) xwe ji tu zayendî hîs nakin û xwe wek bêzayend (“agender”) an bêalî pênase dikin jî hene. Bi ser de, ji bo danasîna nasnameya xwe, xwe-naskirinên din jî hene. Kesên ku xwe wekî nebînar didin nasîn di heman demê de ew kes in ku xwe wek zayendek sêyemîn hîs dikin (vebijarka zayenda qanûnî bi gotina "cuda" tê kirin) an jî têgehek zayendî ya bi tevahî cûda. Kesên ku bi qestî nasnameya xwe ya zayendî diyar nakin û naxwazin bi rola zayenda kevneşopî ve bên girêdan jî xwe wekî nebînar binav dikin.